ପୁରୀ : ପାରିବାରିକ କଳହକୁ କେନ୍ଦ୍ର କରି ଖଣ୍ଡାରେ ମରଣାନ୍ତକ ଆକ୍ରମଣ । ପୁରୀ ମଶାଣି ଚଣ୍ଡି ଛକରେ ଘଟିଛି ଏଭଳି ଘଟଣା । ଆକ୍ରମଣର ଶିକାର ହୋଇଥିବା ବ୍ୟକ୍ତି ଜଣକ ହେଉଛନ୍ତି ମନୋରଞ୍ଜନ ପଟ୍ଟନାୟକ । ମନୋରଞ୍ଜନଙ୍କ ଡାହାଣ ହାତରେ ଲାଗିଛି ଗଭୀର ଆଘାତ । ଗୁରୁତର ଅବସ୍ଥାରେ ତାଙ୍କୁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ଆକ୍ରମଣ କରିଥିବା ଯୁବକ ଜଣକ ହେଉଛନ୍ତି ମନୋରଞ୍ଜନଙ୍କ ସମ୍ପର୍କୀୟ କୁନା ବେହେରା । ଘଟଣାକୁ ନେଇ ବାସେଳୀ ସାହି ଥାନା ପୋଲିସ ଛାନଭିନ୍ ଆରମ୍ଭ କରିଥିବା ବେଳେ ଅଭିଯୁକ୍ତ କୁନା ବେହେରା ଫେରାର ଅଛି । ତେବେ ଦୀର୍ଘ ଦିନ ଧରି ଉଭୟଙ୍କ ମଧ୍ୟରେ ପାରିବାରିକ କଳହ ଲାଗି ରହିଥିଲା । ଆଜି ମନୋରଞ୍ଜନ ଦୋକାନ ବନ୍ଦ କରୁଥିବା ସମୟରେ କୁନା ଏକ ଖଣ୍ଡାରେ ତାଙ୍କୁ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି ।
