କଟକ: କଟକ ଦୋଳମୁଣ୍ଡାଇ ଅଞ୍ଚଳରେ ଆଜି ଜଣେ ବିବାହିତା ମହିଳାଙ୍କୁ ଛୁରା ମାଡ଼ ହୋଇଛି। ମହିଳାଙ୍କ ନାଁ ସୁଚିତ୍ରା ଖଟୁଆ ଓ ତାଙ୍କ ଘର ତେଲେଙ୍ଗା ବଜାର ଅଞ୍ଚଳରେ ବୋଲି ଜଣା ପଡିଛି।ପୀଡ଼ିତା ମହିଳା ଜଣଙ୍କ ଏଲ୍ ପାର୍ଲରରେ କାମ କରନ୍ତି। ଦୁର୍ବୃତ୍ତ ଜଣକ ମାସ୍କ ପିନ୍ଧି ଅଚାନକ ଭାବେ ପାର୍ଲର ଭିତରକୁ ପଶିଆସି ଆକ୍ରମଣ କରିଥିଲେ। ମୁହଁରେ ମାସ୍କ୍ ଥିବାରୁ ମହିଳା ଜଣକ ଦୁର୍ବୃତ୍ତଙ୍କୁ ଚିହ୍ନି ପାରି ନଥିଲେ।ପିଡିତଙ୍କୁ ଛୁରୀ ମାଡ଼ କରିବା ପରେ ଦୁର୍ବୃତ୍ତ ଫେରାର ହୋଇଯାଇଛି। ମହିଳା ଜଣଙ୍କୁ ଆହତ ଅବସ୍ଥାରେ ଉଦ୍ଧାର କରାଯାଇ ଏସସିବିରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ପୁରିଘାଟ ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
