ଘୁ.ଉଦୟଗିରି:ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ସମସ୍ତ ଉଚ୍ଚ ବିଦ୍ୟାଳୟର ୧୦ ମ ଶ୍ରେଣୀ ପରୀକ୍ଷାରେ ପ୍ରଥମ ସ୍ଥାନ ବା ସ୍କୁଲ ଟପ୍ପର ହୋଇଥିବା ଛାତ୍ର ଛାତ୍ରୀ ମାନଙ୍କୁ ପରିଷଦ କାର୍ଯ୍ୟାଳୟରେ ସମ୍ବର୍ଦ୍ଧିତ କରାଯାଇଛି । ପରିଷଦ ଅଧ୍ୟକ୍ଷା ଶ୍ରୀମତୀ ଭାନୁପ୍ରଭା ମିଶ୍ର ସମସ୍ତ ଉପସ୍ଥିତ ଅତିଥି, କୃତି ଛାତ୍ର ଛାତ୍ରୀଙ୍କୁ ସ୍ୱାଗତ ଜଣାଇବା ସହ ୧୦ମ ଶ୍ରେଣୀ ସ୍କୁଲ ଟପ୍ପର ମାନଙ୍କୁ ଉପଢୌକନ, ପୁଷ୍ପଗୁଚ୍ଛ ସହ ସିଲ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ଆଜି ହବାକ ଉଚ୍ଚ ବିଦ୍ୟାଳୟର ଶେଖ୍ ଅସୀମ ଆଖ୍ତର ଅଲ୍ଲୀ ,ସରସ୍ୱତୀ ଶିଶୁ ମନ୍ଦିରର ତନୁଷ୍ରୀ ଆଚାର୍ଯ୍ୟ, ସ୍ୱାମୀ ବିବେକାନନ୍ଦ ସ୍କୁଲର ପ୍ରଜ୍ଞାନ ପ୍ରଭା ସାହୁ, ବନଶ୍ରୀ ବାଳିକା ଉଚ୍ଚ ବିଦ୍ୟାଳୟର ଅପରାଜିତା ନାୟକ, ମିଲମାନ ମେମୋରିଆଲ ଉଚ୍ଚ ବିଦ୍ୟାଳୟର ସାଧନା ନାୟକ, ସରକାରୀ ବାଳିକା ଉଚ୍ଚ ବିଦ୍ୟାଳୟର ପ୍ରାଚୀ ପ୍ରିୟଦର୍ଶିନୀ ମହାରଣାଙ୍କୁ ସମ୍ବର୍ଦ୍ଧିତ କରାଯାଇଥିଲା । କୃତି ଛାତ୍ରଛାତ୍ରୀଙ୍କୁ ଭଲ ପାଠ ପଢ଼ି, ଭଲ ମଣିଷ ହେବା ସହ ସମାଜରେ ପ୍ରତିଷ୍ଠିତ ହେବାପାଇଁ ଉପଦେଶ ଦେଇଥିଲେ । ନିଜ ନିଜ ସ୍କୁଲରେ ଟପ୍ପର ହୋଇ ସମସ୍ତେ ପିତାମାତା, ଶିକ୍ଷକ ଶିକ୍ଷୟତ୍ରୀ, ବିଦ୍ୟାଳୟ ଓ ଘୁ.ଉଦୟଗିରିର ନାଁ ରଖିଥିବାରୁ ଖୁସି ବ୍ୟକ୍ତ କରିବା ସହ ସମସ୍ତଙ୍କୁ ଭବିଷ୍ୟତରେ ଭଲ ମଣିଷ ହେବାପାଇଁ ଆଶୀର୍ବାଦ ଦେଇଥିଲେ । ଆଜିର ଏହି କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ଶିଶିର ପଟ୍ଟନାୟକ, ସମୀର କୁମାର ପାଢ଼ୀ, ଅରୁଣ କୁମାର ଷଡ଼ଙ୍ଗୀ, ବଟକୃଷ୍ଣ ଦାସ, ସତ୍ୟବ୍ରତ ମହାପାତ୍ର ଓ କାର୍ଯ୍ୟାଳୟର ଅନ୍ୟ କର୍ମଚାରୀ ଉପସ୍ଥିତ ରହିଥିଲେ ।
