ଅନୁଗୁଳ: ବିପଦରେ ହାତୀ ବଂଶ । ହାତୀ ସୁରକ୍ଷା ପାଇଁ ବନ ବିଭାଗ ବିଭିନ୍ନ ପନ୍ଥା ଅବଲମ୍ବନ କରୁଥିବାବେଳେ ଅଧିକାଂଶ ସମୟରେ ହାତୀ ମୃତ୍ୟୁର ଖବର ମିଳୁଛି । ଏବେ ପୁଣି ଆଉ ଏକ ହାତୀର ମୃତ୍ୟୁ ହୋଇଥିବା ଜଣାଯାଇଛି । ଅନୁଗୁଳ କଣିହାଁ ବନାଞ୍ଚଳ କମରେଇ ଜଙ୍ଗଲରେ ଦନ୍ତାହାତୀ ମୃତ । ଶିକାର ପାଇଁ ବିଛା ଯାଇଥିବା ୧୧ କେଭି ବିଦ୍ୟୁତ ତାର ଲାଗି ହାତୀର ମୃତ୍ୟୁ ହୋଇଛି । ଘଟଣାରେ ମୁଖ୍ୟ ଅଭିଯୁକ୍ତ ନନ୍ଦ ପ୍ରଧାନକୁ ଗିରଫ କରିଛି ବନବିଭାଗ ।
ଏହାସହ କମରେଇ ଗାଁର ୪ ଜଣ ଓ ଚନ୍ଦ୍ରବିଲି ଗାଁର ଜଣେ ଶିକାରୀକୁ ମଧ୍ୟ ଗିରଫ କରାଯାଇଛି । ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଜଣାପଡିଛି ।
