ଫୁଲବାଣୀ : କନ୍ଧମାଳ ଜିଲ୍ଲାର ସ୍ଥାନୀୟ କରୋନେସନ ପଡିଆ ସ୍ଥିତ ଆଥଲେଟିକ ହଲଠାରେ ଫୁଲବାଣୀ ମାର୍ଶାଲ ଆର୍ଟ୍ସ ଏକାଡେମୀ ଦ୍ୱାରା ୧୪ ତମ କଲର ବେଲ୍ଟ ପରୀକ୍ଷା ସମାପନ ହେଇଯାଇଛି । ଏହି ପରୀକ୍ଷାରେ ୩୭ ଜଣ ବାଳକ ଓ ବାଳିକା ଖେଳାଳି ଅଂଶଗ୍ରହଣ କରିଥିଲେ ।
ସେଥିମଧ୍ୟରୁ ୮ ଜଣ ହଳଦିଆ କଲର, ୧୭ଜଣ ନୀଳ କଲର, ୧୦ ଜଣ ବ୍ଲୁ କଲର, ୨ଜଣ ନାଲି କଲର ବେଲ୍ଟ ପାଇଁ ପରୀକ୍ଷା ଦେଇଥିଲେ । ଓଡିଶା ଟାଏକୋଣ୍ଡୋ ସଂଘର ସାଧାରଣ ସମ୍ପାଦକ ମନମୋହନ ଭଞ୍ଜ, ୫ ଡାନ ବ୍ଲାକ ବେଲ୍ଟ ପିଲାମଙ୍କର ପରକ୍ଷା କରାଇଥିଲେ । ପରୀକ୍ଷାରେ ବାଳିକାମାନେ ବିଭିନ୍ନ ପ୍ରକାର ଆତ୍ମାରକ୍ଷା କଳା ଦେଖେଇବା ସହ ହାତ ଓ ଗୋଡରେ ଇଟା ଓ ପଟା ଭାଙ୍ଗିବା କଳା ପଦର୍ଶନ କରିଥିଲେ । ଏକାଡେମୀର ପ୍ରଶିକ୍ଷକ ରମାକାନ୍ତ ବେହେରା ଓ ପ୍ରିତମ ଚନ୍ଦ୍ର ପ୍ରଧାନ ପରୀକ୍ଷା ପରିଚାଳନା କରିବାରେ ସହଯୋଗ କରିଥିଲେ । ଜିଲ୍ଲା ସଂଘର ସମ୍ପାଦକ ପ୍ରଭାତ କୁମାର ସାହୁ ସର୍ବଶେଷରେ ସମସ୍ତଙ୍କୁ ଧନ୍ୟବାଦ ଦେବା ସହ ପିଲାମଙ୍କର ଭବିଷ୍ୟତ ଉଜ୍ୱଳ କାମନା କରିଥିଲେ ।
