କଣ୍ଟାବାଞ୍ଜି : କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଅନ୍ତର୍ଗତ ତୁରିକେଲା ସରକାରୀ ଡାକ୍ତରଖାନା ପରିସରରେ ଓଡିଶା ମୋ ପରିବାର ଆନୁକୂଲ୍ୟରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ବିଜେଡି ଜିଲ୍ଲା ସାଧରଣ ସମ୍ପାଦକ ଫିରୋଜ ଖାଁଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ ଜୀବନ ବିନ୍ଦୁ ରାଜ୍ୟ ସମ୍ପାଦକ ଅରୂପ ପଟ୍ଟନାୟକ ଅତିଥି ଭାବେ ଯୋଗ ଦେଇଥିଲେ । ତାଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇବା ପରେ ଶ୍ରୀ ପଟ୍ଟନାୟକ ରକ୍ତଦାନ ଶିବିର ଉଦଘାଟନ କରିଥିଲେ । ଏଥିରେ ୫୬ରୁ ଉଦ୍ଧ୍ୱର୍ ରକ୍ତଦାନ କରିଥିଲେ । ଜିଲ୍ଲା ସଂପାଦକ ଫିରୋଜ ଖାଁ ରକ୍ତଦାତାଙ୍କୁ ଧନ୍ୟବାଦ ହଣାଇଥିଲେ । ଡାକ୍ତର ବିଷ୍ଣୁ ମେହେର, ଡାକ୍ତର ସୁରଜିତ ପାତ୍ରଙ୍କ ନେତୃତ୍ୱରେ କଣ୍ଟାବାଞ୍ଜି ରକ୍ତ ଭଣ୍ଡାରରୁ କୁନାଲ ଦାଶ, ଶିବ ସାହୁ, ଦୁର୍ଗା ତାଣ୍ଡି, ପ୍ରଶାନ୍ତ ସାହୁ,ଟେକ୍ନିସିଆନ ତାପସ ଦାଶ ସହଯୋଗ ଦେଇଥିଲେ । ବିଜେଡି ଦଳରୁ ଅରୁଣ ବାଗ, କିଶୋର ମାଛଖଣ୍ଡ, ସହଦେବ ନାଗ, ତାହିଁର ଖାନଙ୍କ ସହ ଅନେକ ମହିଳା ଓ ପୁରୁଷକର୍ମୀ ଯୋଗ ଦେଇଥିଲେ ।
