ଫୁଲବାଣୀ: ଅଭାବନୀୟ ଘଟଣା ଦେଖିବାକୁ ମିଳିଛି । ଜଣେ ନାବାଳକ ସାଇକଲ୍ରେ ଯାଉଥିବା ବେଳେ ଭାରସ୍ୟାମ ହରାଇ ତଳେ ପଡ଼ି ମୃତବରଣ କରିଛି । ନାବାଳକ ନାମ ହେଲା ଓମ୍ ପ୍ରକାଶ ମହାପାତ୍ର । ଖବର ଅନୁଯାୟୀ ନାବାଳକ ଜଣଙ୍କ ନିଜ ସାନଭାଇକୁ ନେଇ ସାଇକଲରେ ନାରାୟଣୀ ରୋଡ ଘାଟି ଗଡୁଥିବା ବେଳେ ସାଇକେଲର ବ୍ରେକ ଫେଲ୍ ହୋଇ ଥିଲା । ଯାହାଫଳରେ ସାନଭାଇ ସାଇକେଲରୁ ଡେଇଁ ପଡ଼ି ଥିଲା କିନ୍ତୁ ନାବାଳକ ଓମ୍ ପ୍ରକାଶ ତଳେ କଚାଡ଼ି ହୋଇ ପଡିଥିଲେ । ନାବାଳକ ତଳେ ପଡ଼ିବା ଫଳରେ ମୁହଁରେ ଆଘାତ ଲାଗିଥିଲା । ସେ ସେଠାରେ ଗୁରୁତର ହୋଇ ଅଚେତ୍ ହୋଇଯାଇଥିଲେ । ସ୍ଥାନୀୟ ଲୋକେ ଦେଖି ନାବାଳକ ଓମ୍ ପ୍ରକାଶଙ୍କୁ ଫୁଲବାଣୀ ମୁଖ୍ୟଚିକିତ୍ସାଳୟ ରେ ଭର୍ତ୍ତି କରିଥିଲେ । ଚିକିତ୍ସାଧିନ ଅବସ୍ଥାରେ ଡାକ୍ତର ନାବାଳକ ଓମ୍ ପ୍ରକାଶଙ୍କୁ ମୃତ ଘୋଷଣା କରିଥିଲେ । କିନ୍ତୁ ମୃତ ନାବାଳକଙ୍କ ସାନ ଭାଇ ଅବସ୍ଥା ଭଲ ରହିଛି ।
