ନବରଙ୍ଗପୁର: ନବରଙ୍ଗପୁର ଜିଲ୍ଲାର ତାରାଗାଁ ସ୍ଥିତ ରଶ୍ମି ରଞ୍ଜନ ସିଦ୍ଧାଶ୍ରମ ପରିସର ମଧ୍ୟରେ ଆଜି ତା.୮.୧୧.୨୧ ପୂର୍ବାହ୍ନରେ ଆଶ୍ରମ ଅଧ୍ୟକ୍ଷ ଡ଼. ନୀଳ କଣ୍ଠ ପାଢ଼ୀଙ୍କ ପରିଚାଳନା ଓ ନବରଙ୍ଗପୁର ନିବାସୀ ଶ୍ରଦ୍ଧାଳୁ କେ. ଶ୍ରୀଧର ତଥା ଶ୍ରୀମତୀ କେ. ଅମୃତାଙ୍କ ପ୍ରତିନିଧିତ୍ୱରେ “ନାଗ ଚତୁର୍ଥୀ ପୂଜା’ ଅନୁଷ୍ଠିତ ହୋଇଯାଇଅଛି ।
ପୂଜାର ନିୟମାନୁଯାୟୀ ନାଗ ଗଣଙ୍କ ବାସ ସ୍ଥଳ ଉଈ ହୁଙ୍କାରେ ନାଗ ମାନଙ୍କ ଉଦ୍ଦେଶ୍ୟରେ ହଳଦୀ ପାଣି ସିଞ୍ଚନ,ଧୂପ,ଦୀପ, ଚନ୍ଦନ – କୁଙ୍କୁମ, ପୁଷ୍ପ, ହଳଦିଆ ଚାଉଳ, ନବ ବସ୍ତ୍ର,କଳା ରାଶି ଲଡୁ,ଧଳା ରାଶି ଲଡୁ, ମିଷ୍ଟାନ୍ନ ଓ ଫଳ ଆଦି ସମର୍ପଣ ସାଙ୍ଗକୁ ଉଈ ହୁଙ୍କାର ଗାତ ମଧ୍ୟରେ କୁକୁଡ଼ା ଅଣ୍ଡା ଓ ଗାଈ କ୍ଷୀର ଢ଼ାଳି ବିଭିନ୍ନ ସ୍ଥାନରୁ ଆସି ଥିବା ଭକ୍ତ ଓ ଶ୍ରଦ୍ଧାଳୁମାନେ ପ୍ରାୟ ସାତଟି ହୁଙ୍କାରେ ସପରିବାର ନାଗ ପୂଜା କରି ବାଣ ଫୁଟାଇଛନ୍ତି ।
ଆଶ୍ରମ ଅଧ୍ୟକ୍ଷ ଉପସ୍ଥିତ ଭକ୍ତଙ୍କୁ ନାଗ ମହିମା ଓ ନାଗ ପୂଜନ ବିଷୟରେ ଅବଗତ କରାଇଛନ୍ତି ।
ଶେଷରେ ସାମୂହିକ ପ୍ରସାଦ ସେବନ ପରେ କାର୍ଯ୍ୟକ୍ରମ ସଂପନ୍ନ ହୋଇଥିଲା ।
