ପାରାଦ୍ୱୀପ : ଭୁତମୁଣ୍ଡାଇ ଫୁଲବେଲାରୀ କେନାଲରୁ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ଜଣକ କୁଜଙ୍ଗ ବ୍ଲକ କୋଠିଆସାହି ଗ୍ରାମର ଭଗବାନ ଘଡେ଼ଇ ବୋଲି ଜଣାପଡିଛି । ଗତ ତିନିଦିନ ହେଲା ଭଗବାନ ଘରୁ ନିଖୋଜ ଥିଲେ । ଶୁକ୍ରବାର ସନ୍ଧ୍ୟାରେ ଭଗବାନ ଘରୁ ବାହାରି ବଜାରକୁ ଯାଇଥିଲେ । ମାତ୍ର ବିଳମ୍ବିତ ରାତ୍ରୀ ପର୍ଯ୍ୟନ୍ତ ସେ ଘରକୁ ଫେରିନଥିଲେ । ଘର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରୁଥିଲେ । ମାତ୍ର ଆଜି ସକାଳେ ଲକ୍ ଥାନା ଅଧୀନ ଫୁଲବେଲାରୀ କେନାଲ ପଲ ନିକଟରେ ଏକ ଶବ ଭାସୁଥିବା ଲୋକେ ଦେଖି ପୋଲିସକୁ ଖବର ଦେଇଥିଲେ । ଲକ୍ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହିତ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ଅନ୍ୟପକ୍ଷରେ ଭଗବାନଙ୍କ ପୁଅ ଲକ୍ ଥାନାରେ ଏତେଲା ଦେବା ସହିତ ଶବଟି ତାଙ୍କ ବାପାଙ୍କର ବୋଲି ଚିହ୍ନଟ କରିଛନ୍ତି ।
