ବାଲିଗୁଡା : ସ୍ଥାନୀୟ ସହରର ପଠାଣ ସାହିରେ ଥିବା ମସଜିଦ ଚୋରି ଘଟଣାରେ ଦୁଇଜଣ ଅଭିଯୁକ୍ତଙ୍କୁ ପୁଲିସ ଗିରଫ କରିବା ସହ ଚୋରି ସାମଗ୍ରୀ ଉଦ୍ଧାର କରିଛି । ଉଲ୍ଲେଖଯୋଗ୍ୟ ଗତ ୧୪ତାରିଖ ରାତିରେ ଦୁର୍ବୃତ୍ତମାନେ ପଶି ମସଜିଦରେ ଥିବା ପାଣି ପମ୍ପ,ମାଇକ,କେବୁଲ ଆଦି ଚୋରି କରି ନେଇଯାଇଥିଲେ । ଏ ସଂପର୍କରେ ସକାଳୁ ଜଣାପଡିବା ପରେ ମହମ୍ମଦ ହୁସେନ ସ୍ଥାନୀୟ ଥାନାରେ ଏକ ଲିଖିତ ଏଫାଇଆର ଦେବା ପରେ ଥାନା ଭାରପ୍ରାପ୍ତ ଅଧିକାରୀ ବିଭୁତିଭୂଷଣ ମୁଦୁଲି ଥାନା କେଶ ନଂ୯୭/୨୧ ଧାରା ୪୫୭,୩୮୦ ରେ ଏକ ମାମଲା ରୁଜୁ କରି ଏଏସଆଇ ସୁବାଷ ଚନ୍ଦ୍ର ପ୍ରଧାନଙ୍କୁ ତଦନ୍ତ ଭାର ଅର୍ପଣ କରିଥିଲେ । ଏହାପରେ ପୁଲିସ ପକ୍ଷରୁ ଚୋରକୁ ଚିହ୍ନଟ କରିବା ସହ ଚୋରି ସାମଗ୍ରୀ ଜବତ କରାଯାଇଥିଲା । ଚୋରି ଅଭିଯୋଗରେ ସ୍ଥାନୀୟ ସହରର ଗୌଡ଼ ସାହିର ବାବୁ ଏଲିଅସ ବିଶ୍ୱଜିତ ନାୟକ ଏବଂ ରାହୁଲ ପ୍ରଧାନକୁ ଗିରଫ କରି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।
