ବାଲିଗୁଡ଼ା : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ୫-ଟି ଅଧୀନରେ ସାତୋଟି ସ୍କୁଲ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ୱାରା ଲୋକାର୍ପଣ ହୋଇଛି । ବର୍ତ୍ତମାନ ଲଗାଣ ବର୍ଷାଯୋଗୁଁ ବିଭିନ୍ନ ଅଞ୍ଚଳରେ ଅନେକ କ୍ଷୟକ୍ଷତି ମଧ୍ୟ ହୋଇଥିବା ସୂଚନା ମିଳୁଛି । ଏହି ପରିପ୍ରେକ୍ଷୀରେ ୫-ଟି ସଚିବଙ୍କ ନିର୍ଦ୍ଦେଶ କ୍ରମେ ସ୍ଥାନୀୟ ବିଧାୟକ ସାଲୁଗା ପ୍ରଧାନ, ବିଡ଼ିଓ ଗଦାଧର ପାତ୍ର, ସମିତି ଅଧ୍ୟକ୍ଷ ସୁଶାନ୍ତ ପ୍ରଧାନ,୧୦ନଂ ଯୋନ ଜିଲ୍ଲା ପରିଷଦ ସଭ୍ୟ ରଞ୍ଜନ ପ୍ରଧାନ ପ୍ରମୁଖ ଦାରିଙ୍ଗବାଡ଼ି ବ୍ଲକର ୫-ଟି ଅଧୀନରେ ଥିବା କେତେକ ସ୍କୁଲକୁ ଗସ୍ତ କରି ତଦାରଖ କରିବା ସହ ସ୍କୁଲ ର ବିଭିନ୍ନ ସମସ୍ୟା ଉପରେ କର୍ତ୍ତୃପକ୍ଷଙ୍କୁ ପଚାରି ବୁଝିଥିବା ଜଣାପଡିଛି । ତାଙ୍କର ଏହି ଗସ୍ତ ସମୟରେ ଦାରିଙ୍ଗବାଡ଼ି ସ୍ଥିତ ଓଡିଶା ଆଦର୍ଶ ବିଦ୍ୟାଳୟ, ଝିଞ୍ଜିରିଗୁଡା,ବ୍ରାହ୍ମଣୀଗାଁ ଓ ସିକରମହାର ରୂପାନ୍ତରିତ ସ୍କୁଲ ପରିଦର୍ଶନ କରି ସମସ୍ୟା ଗୁଡିକ ପଚାରି ବୁଝିଥିଲେ । ବ୍ରାହ୍ମଣୀଗାଁ ସ୍କୁଲରେ ପାନୀୟଜଳର ଘୋର ସମସ୍ୟା ଥିବା ବେଳେ, ଝିଞ୍ଜି ରିଗୁଡ଼ା ସ୍କୁଲରେ ପାଚେରୀର ଆବଶ୍ୟକତା ଥିବା ନେଇ ସ୍କୁଲ କର୍ତ୍ତୃପକ୍ଷ ଜଣାଇଥିଲେ । ତୁରନ୍ତ ଏହି ସମସ୍ୟାର ସମାଧାନ କରିବା ସହ ଅସଂପୂର୍ଣ୍ଣ ଥିବା କାମ ଗୁଡ଼ିକୁ ଯଥା ଶୀଘ୍ର ସମ୍ପୁର୍ଣ୍ଣ କରିବାକୁ ବିଧାୟକ ଶ୍ରୀ ପ୍ରଧାନ ସମ୍ପୃକ୍ତ ଅଧିକାରୀ ମାନଙ୍କୁ କହିଥିଲେ ।
