ଭୁବନେଶ୍ୱର : ମୁମ୍ବାଇର ବହୁ ଚର୍ଚ୍ଚିତ ଡ୍ରଗ୍ସ ପାର୍ଟିରେ ଜଣେ ଓଡ଼ିଆ ବି ଥିଲେ । ତାଙ୍କୁ ଆଜି ଏନସିବି ଗିରଫ କରିଛି । ଫଳରେ ଏହି ମାମଲାରେ ମୋଟ ଗିରଫଦାରୀ ସଂଖ୍ୟା ୧୧ରେ ପହଁଚିଛି । ଜାତୀୟ ଗଣମାଧ୍ୟମରେ ଏନେଇ ଚର୍ଚ୍ଚା ଜୋରଧରିଛି । ଓଡିଶାରୁ ଗିରଫ ହୋଇଥିବା ବ୍ୟକ୍ତିଙ୍କ ଠାରୁ ଡ୍ରଗ୍ସ ମଧ୍ୟ ଜବତ କରାଯାଇଥିବା ଜଣାପଡ଼ିଛି ।
ଅପରପକ୍ଷରେ ଶାହାରୁଖ ଖାନଙ୍କ ପୁଅକୁ ଏନସିବି ରିମାଣ୍ଡରେ ନେଇଛି । ଅକ୍ଟୋବର ୭ ପର୍ଯ୍ୟନ୍ତ ତାଙ୍କୁ ରିମାଣ୍ଡରେ ନିଆଯାଇଛି । ଅକ୍ଟୋବର ୨ ତାରିଖ ରାତିରେ ହୋଇଥିବା ,କ ରେଭ ପାର୍ଟିରେ ତାଙ୍କୁ ଗିରଫ କରାଯାଇଥିଲା । ସେହିପରି ଅନ୍ୟ ଦୁଇ ଅଭିଯୁକ୍ତ ମୁନମୁନ ଡାମେଚା ଓ ଆରବାଜ ମର୍ଚ୍ଚାଂଟଙ୍କୁ ମଧ୍ୟ ନାର୍କୋଟିକ୍ସ କଂଟ୍ରୋଲ ବୁ୍ୟରୋ ରିମାଣ୍ଡରେ ନେଇଛି । ଏମାନଙ୍କ ଜାମିନ ଖାରଜ କରିବା ପରେ ରିମାଣ୍ଡରେ ନେବାକୁ ଅନୁମତି ମିଳିଥିଲା ।
