ଫୁଲବାଣୀ: କନ୍ଧମାଳ ଜିଲ୍ଲାର ସ୍ଥାନୀୟ ବୁଢାଦାନୀ ଗ୍ରାମରେ କୁଇ ସମାଜ ସେବା ସମିତି ଫୁଲବାଣୀର ୬୮ ତମ ପ୍ରତିଷ୍ଠା ଦିବସ ସମାରୋହ ବଡ ଧୁମଧାମରେ ପାଳନ ହୋଇଯାଇଛି । ଏଥିରେ ଜନଜାତି ସମବାୟ ବାଣିଜ୍ୟ ଉନ୍ନୟନ ସମିତିର ରାଷ୍ଟ୍ରିୟ ଉପାଧ୍ୟକ୍ଷ ପବିତ୍ର କହଁର ମୁଖ୍ୟ ଅତିଥି ରୂପେ ଯୋଗଦାନ କରିଥିଲେ । ଏହାସହ ସମ୍ମାନିତ ଅତିଥିରୂପେ ଖଜୁରୀପଡ଼ା ବ୍ଲକ ଅଧ୍ୟକ୍ଷ ବିରେନ୍ଦ୍ର କହଁର, ଫିରିଙ୍ଗିଆ ସରପଞ୍ଚ ବିଶ୍ୱ ରଞ୍ଜନ କହଁର, ଆଲାମୀ ସରପଞ୍ଚ ଶ୍ରୀମତି ତପସ୍ୱିନୀ କହଁର, ନିଖିଳ ଉତ୍କଳ କୁଇ ସମାଜ ୟୁନିୟନ ସଭାପତି ଭୀମସେନ ପ୍ରଧାନ, କୁଇ କୂଳ ସମିତି ସଭାପତି ମନୋଜ କୁମାର ମଲ୍ଲିକ, କୁଇ ଭାଷା ସାହିତ୍ୟ ସମିତିର ସଭାପତି ଦିନବନ୍ଧୁ କହଁର, ସାଧାରଣ ସମ୍ପାଦକ ଡଃ ନିରଦ ଚନ୍ଦ୍ର କହଁର, କୁଇ ସମାଜ ଯୁବ ପରିଷଦ କନ୍ଧମାଳର ସଭାପତି ଦେବାଶିଷ କହଁର ପ୍ରମୁଖ ମଞ୍ଚାସୀନ ହୋଇଥିଲେ । କୁଇ ସମାଜ ଫୁଲବାଣୀର ସମସ୍ତ ଶାଖା ସଭାପତିମାନେ ଯୋଗଦାନ କରିଥିଲେ ।କୁଇ ସମାଜ ଫୁଲବାଣୀର ସଭାପତି ସଭାପତିତ୍ୱ କରିଥିଲେ । ଡମସିଂ ଶାଖାର ଉପସଭାପତି ପଞ୍ଚାନନ କହଁର ସଭା ପରିଚାଳନା କରିଥିଲେ । ଯୁବ ପରିଷଦ ସଦସ୍ୟ ଆଲୋକ କହଁର, ଆକାଶ କହଁର, ଭାବିନ୍ଦ୍ର କହଁର, ସୁବଳ ଦେହୁରୀ, ବାଲ୍ମୀକ ପ୍ରଧାନ ପ୍ରମୁଖ ସହଯୋଗ କରିଥିଲେ । ଏଠାରେ ଜିଲ୍ଲାର ଏକ ହଜାରରୁ ଉଦ୍ଧ୍ୱର୍ ଲୋକ ସମାଗମ ହୋଇ ଆନନ୍ଦ ଉଲ୍ଲାସର ସହ ନାଚ ଗୀତ କରି ପ୍ରତିଷ୍ଠା ଦିବସ ପାଳନ କରିଥିଲେ । କୁଇ ସମାଜର ବିକାଶ ପାଇଁ ଅତିଥିବୃନ୍ଦ ନିଜର ମତବ୍ୟକ୍ତ କରିଥିଲେ । ଶେଷରେ କୁଇ ସମାଜ ଯୁବ ପରିଷଦ ର ଯୁଗ୍ମ ସମ୍ପାଦକ ବିଶ୍ୱମ୍ବର ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।
