ପାଟଣାଗଡ଼: ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ପରୁଆଭାଡି ସରକାରୀ ପ୍ରାଥମିକ ବିଦ୍ୟାଳୟଠାରେ ସୁଧିର କୁମାର ଦେଓ ଓ ଉପେନ୍ଦ୍ର ମେହେରଙ୍କ ଆବାହାକତ୍ୱରେ ଦେଓଗାଁ ବ୍ଲକ ଶିକ୍ଷା ଅଧିକାରୀ ସଂକୀର୍ତ୍ତନ ବାଗଙ୍କୁ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଅନୁଷ୍ଠିତ ସମ୍ବର୍ଦ୍ଧନା ସଭାରେ ଅବସର ଗ୍ରହଣ କରିଥିବା ବିଇଓ ଶ୍ରୀ ବାଗ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା ବେଳେ ତାଙ୍କର କର୍ମ ନିଷ୍ଠା ବଳିଷ୍ଠ ବ୍ୟକ୍ତିତ୍ୱ ଉପରେ ଆଲୋଚନା କରାଯାଇଥିଲା । ଏକ ବିରାଟ ସମ୍ବର୍ଦ୍ଧନା ସଭା କରିବା ଉଦ୍ଦେଶ୍ୟରେ ପୂର୍ବରୁ ଏଥିରେ ଶତାଧିକ ଶିକ୍ଷକଙ୍କ ଉପସ୍ଥିତି ପାଇଁ ଗୋଷ୍ଠୀ ଶିକ୍ଷା ଅଧିକାରୀ କାର୍ଯ୍ୟାଳୟର ସମସ୍ତ ଷ୍ଟାଫ୍ କର୍ମଚାରୀଙ୍କୁ ଶିକ୍ଷକ ସଂଘ ପକ୍ଷରୁ ନିମନ୍ତ୍ରଣ କରାଯାଇଥିଲା । ଏଥିରେ ବ୍ଳକ ଶିକ୍ଷକ ସଂଘର କୈଳାସ କର୍ତ୍ତି, ହେମନ୍ତ ସାହୁ, ଜୟଦେବ ବିଶିଙ୍କ ସମେତ ଜିଲ୍ଲା ଶିକ୍ଷକ ସଂଘ ପକ୍ଷରୁ ହରେକୃଷ୍ଣ ରଥ, ଦେବଦତ୍ତ ମେହେର, ଅନୁପମା ପ୍ରହରାଜ, ବେଳାଲସେନ ସାହୁଙ୍କ ସମେତ ଶତାଧିକ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ଥିଲେ ।
