ଚଣ୍ଡିଖୋଲ,୪/୩ : ରାଜ୍ୟରେ ସଡ଼କ ଦୁର୍ଘଟଣା ଅତି ଉଦବେଗଜନକଭାବେ ବଢିଚାଲିଛି । ବେପରୁଆ ଗାଡ଼ିଚାଳନାକୁ ରୋକିବା ପାଇଁ ଯେତେ ଚେଷ୍ଟା କଲେ ବି ତାହା ସମ୍ଭବ ହୋଇପାରୁ ନାହିଁ । ଯେତେ ସତର୍କରେ ଗଲେ ମଧ୍ୟ ଅନ୍ୟ ଗାଡ଼ିଗୁଡ଼ିକ ଧକ୍କା ଦେଇ ଜୀବନ ନେଉଛନ୍ତି । ଆଜି ସେହିଭଳି ଏଖ ଦୁର୍ଘଟଣା ଘଟିଛି । ଦୁର୍ଘଟଣାରେ ଜଣେ ମହିଳାଙ୍କର ମୃତ୍ୟୁ ଘଟିଛି । ଜ୍ୱାଇଁ ପ୍ରଶାନ୍ତ ସାହୁଙ୍କ ସହ ସ୍କୁଟିରେ ଯାଉଥିବା ବେଳେ ୧୬ନଂ ଜାତୀୟ ରାଜପଥ ଜାରକା ଛକ ନିକଟରେ ଏକ ଦ୍ରୁତଗାମୀ ଟ୍ରକ ସେମାନଙ୍କ ସ୍କୁଟି ଉପରେ ଚଢିଯାଇଥିଲା । ଘଟଣାସ୍ଥଳରେ ହିଁ ମହିଳାଙ୍କର ମୃତ୍ୟୁ ଘଟିଥିଲା । ମୃତ ମହିଳା ହେଲେ କେନ୍ଦ୍ରାପଡ଼ା ଅଞ୍ଚଳର ବନିତା ରାଉତ । ନିଜ ଜ୍ୱାଇଁ ପ୍ରଶାନ୍ତ ସାହୁଙ୍କ ସହ ମହିଳା ଜଣକ ସ୍କୁଟି ଯୋଗେ ଯାଜପୁରରୋଡ଼ ଧବଳଗିରି ଅଞ୍ଚଳକୁ ଯିବା ସମୟରେ ଜାରକା ଛକ ନିକଟରେ ଭାରସାମ୍ୟ ହରାଇ ସ୍କୁଟିରୁ ଖସି ପଡ଼ିଥିଲେ । ଏହି ସମୟରେ ପଛ ପଟୁ ଆସୁଥିବା ଏକ ଟ୍ରକ ମହିଳାଙ୍କ ଉପରେ ମାଡ଼ି ଯାଇଥିଲା । ଫଳରେ ଘଟଣାସ୍ଥଳରେ ହିଁ ମହିଳାଙ୍କ ଶୋଚନୀୟ ମୃତ୍ୟୁ ଘଟିଛି । ଖବର ପାଇ ଧର୍ମଶାଳା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛି । ଏହାସହ ଦୁର୍ଘଟଣା ଗ୍ରସ୍ତ ଗାଡ଼ିକୁ ପୋଲିସ ଜବତ କରି ଘଟଣାର ତଦନ୍ତ ଚଳାଇଛି । ଏହି ଘଟଣା ସମଗ୍ର ଅଞ୍ଚଳ ଶୋକାଭିଭୁତ ।
