ଘୁ ଉଦୟଗିରି:ସ୍ଥାନୀୟ ବ୍ଲକ ଅଧିନରେ ଥିବା ଲିଙ୍ଗାଗଡ ପଞ୍ଚାୟତର ନିଲୁଙ୍ଗିଆ ନିକଟରେ ଏକ ଅଜଣା ଗାଡି ଧକ୍କାରେ ଜଣେ ସ୍କୁଟି ଚାଳକ ଆହତ ହୋଇଛନ୍ତି । ସୂଚନା ଅନୁସାରେ ଜାକାମାହା ନିବାସୀ ବିଜୁ ପ୍ରଧାନ ନିଜ ଯୁପିଟର ଓଡ଼ି୧୨ଡି ୧୭୬୦ ବିଶିଷ୍ଟ ସ୍କୁଟି ଦ୍ୱାରା ସଉଦା କିଣି ଘୁ. ଉଦୟଗିରି ଠାରୁ ନିଜ ଘର ଜାକାମାହା ଯାଉଥିଲେ, ସେହି ସମୟରେ ନିଲୁଙ୍ଗିଆ ନିକଟରେ ସାମ୍ନାରୁ ଆସୁଥିବା ଏକ ଅଜଣା ଅଟୋ ଧକ୍କା ଦେଇ ଚମ୍ପଟ ମାରିଥିଲା । ଫଳରେ ସ୍କୁଟି ଚାଳକ ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛରେ ପିଟି ହୋଇଥିଲେ,ଯାହା ଦ୍ୱାରା ସ୍କୁଟି ଆଗ ଚକ ଭାଙ୍ଗି ଯାଇଛି ଓ ସ୍କୁଟି ଚୂର୍ମାର ହୋଇଯାଇଛି । ଚାଳକ ଆହତ ହୋଇଥିବା ବେଳେ ଅନ୍ୟ ପଥିକ ମାନେ ପହଞ୍ଚି ତାଙ୍କୁ ଅନ୍ୟ ଏକ ଅଟୋ ମାଧ୍ୟମରେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପଠେଇଥିଲେ । କିନ୍ତୁ ଅଟୋ ଘଟଣା ସ୍ଥଳରୁ ଫେରାର ହୋଇଥିବା ଦେଖିବାକୁ ମିଳିଛି ।
