ବାଲିଗୁଡା,୨/୪: ୮୭ତମ ପୋଲିସ ପ୍ରତିଷ୍ଠା ଦିବସ ଅବସରରେ ଭୁବନେଶ୍ୱର ଠାରେ ପାଳନ ହୋଇଯାଇଥିବା ବେଳେ ଏହି ଅବସରରେ ରାଜ୍ୟର ବିଭିନ୍ନ ଥାନାରେ କାର୍ଯ୍ୟରତ ଥାନା ଅଧିକାରୀ ସବ-ଇନ୍ସପେକ୍ଟରଙ୍କୁ ଡିଜିପି ପଦକ(ଡିସ୍କ)ପ୍ରଦାନ କରାଯାଇଛି । ଏହି ପରିପ୍ରେକ୍ଷୀରେ କନ୍ଧମାଳ ଜିଲ୍ଲାରେ ଉତ୍କୃଷ୍ଠ ସେବା ନିମନ୍ତେ ୨୦୨୧-୨୨ ପାଇଁ ଜିଲ୍ଲାରୁ ଏକମାତ୍ର ଥାନା ଅଧିକାରୀ ଭାବେ ଦାରିଙ୍ଗବାଡ଼ି ଥାନା ଅଧିକାରୀ କୌଶିକ ମାଝୀଙ୍କୁ ଭୁବନେଶ୍ୱର ଠାରେ ଆରକ୍ଷୀ ମହାନିର୍ଦ୍ଦେଶକ ସୁନୀଲ ବଂଶଲ ଡିଜିପି ପଦକ(ଡିସ୍କ)ସହିତ ମାନପତ୍ର ପ୍ରଦାନ କରିଛନ୍ତି । କନ୍ଧମାଳ ଜିଲ୍ଲାରୁ ଜଣେ ମାତ୍ର ଥାନା ଅଧିକାରୀ ଭାବେ ଆରକ୍ଷୀ ବିଭାଗ ମହାନିର୍ଦ୍ଦେଶକଙ୍କ ଠାରୁ ପ୍ରଶଂସାପତ୍ର ମିଳିଥିବାରୁ ଦାରିଙ୍ଗବାଡ଼ି ଥାନା ସେକଣ୍ଡ ଅଫିସର ଜିତେନ୍ଦ୍ର ବେହେରା, ଲକ୍ଷ୍ମୀ ମାଝୀଙ୍କ ସହିତ ଏଏସଆଇ ପି. ଶ୍ରୀନିବାସ ରାଓ, ସୁବାସ ଚନ୍ଦ୍ର ବାୟକ, ଅର୍ଜୁନ ଶବରଙ୍କ ସମେତ ସମସ୍ତ ଥାନା କର୍ମଚାରୀ ଥାନା ଅଧିକାରୀଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ।
