ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକ ଅନ୍ତର୍ଗତ ଅଗରଖଣ୍ଡି ଗ୍ରାମଠାରେ ପୂର୍ବାହ୍ନ ୧୧ ଘଣ୍ଟିକା ସମୟରେ ଡିସେମ୍ବର ୨୬, ୨୦୨୨ରେ ବିଜେଡ଼ିର ୨୫ ତମ ପୂର୍ତ୍ତି ଉପଲକ୍ଷେ ଅଗରଖଣ୍ଡି ପ୍ରାଥମିକ ବିଦ୍ୟାଳୟଠାରେ ଛାତ୍ରଛାତ୍ରୀମାନଙ୍କୁ ପୁସ୍ତକ ଖାତା, କଲମ ପେନସିଲ ପ୍ରଦାନ କରାଯାଇଛି । ତାହା ସହିତ ବୃକ୍ଷ ରୋପଣ କାର୍ଯ୍ୟକ୍ରମ ହୋଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପାରଳା ରାଜ କୁମାରୀ କଲ୍ୟାଣି ଗଜପତି, ଅନ୍ୟ ଅତିଥି ଭାବେ ଗଜପତି ଜିଲ୍ଲା ବିଜେଡି ସଭାପତି ପ୍ରଦୀପ ନାୟକ, ଜିଲ୍ଲା ବିଜେଡି ଯୁବ ସଭାପତି ଏସ ଲିଙ୍ଗରାଜ, ଜିଲ୍ଲାର ବରିଷ୍ଠ ବିଜେଡି ନେତା ଲକ୍ଷ୍ମୀ କାନ୍ତ ପରିଚ୍ଛା, ବିଜେଡି କର୍ମୀ ଜମାଦାର ପଟ୍ଟନାୟକ, ଅଗର ଖଣ୍ଡି ସରପଞ୍ଚ ଉପଲଡା ବିଜେଡି ସମିତି ସଭ୍ୟ ବାଲ ଧନଞ୍ଜୟ, ଗୋଶାଣି ବିଜେଡି ବ୍ଳକ ସଭାପତି ଈଶ୍ୱର ରାଓ, ଗୋଶାଣି ବ୍ଳକ ବିଜେଡି ଉପସଭାପତି ପାଲକା ନାଗେଶ୍ୱର ରାଓ, ଗଜପତି ଜିଲ୍ଲା ବିଜେଡି ଛାତ୍ର ସଭାପତି ବିଶ୍ୱଜିତ ତ୍ରିପାଠୀ, ଅଗର ଖଣ୍ଡି ସମିତି ସଭ୍ୟ ଚୈତନ୍ୟ ବରାଡ଼, ବିଜେଡି କର୍ମୀ ଡିଲେଶ୍ୱର ରାଓ ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ପ୍ରକାରେ ଡିସେମ୍ବର ୨୬ ପର୍ଯ୍ୟନ୍ତ ଚାଲୁ ରହିବ ।
