ବୌଦ୍ଧ,୨୫/୦୯- ବୌଦ୍ଧ ଜିଲ୍ଲା ପ୍ରେସ କ୍ଲବ ତରଫରୁ ‘ଓଟିଭି’ ର ବରିଷ୍ଠ ସାମ୍ବାଦିକ ଅରିନ୍ଦମ ଦାସଙ୍କ ବିୟୋଗରେ ଏକ ସ୍ମୃତିଚାରଣ ସଭା ଆଜି ଅନୁଷ୍ଠିତ ହୋଇଯାଇଛି । ବୌଦ୍ଧଜିଲ୍ଲା ଜର୍ଣ୍ଣାଲିଷ୍ଟ ଫୋରମ କାର୍ଯ୍ୟାଳୟରେ କ୍ଳବର ସଭାପତି ବରୋଜ କୁମାର ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ପ୍ରାରମ୍ଭରେ ସମ୍ପାଦକ ରଘୁନାଥ ଷଡ଼ଙ୍ଗୀ ସମ୍ୟକ ସୂଚନା ପ୍ରଦାନ କରିବା ପରେ ସଭାପତି ସଭାକୁ ପରିଚାଳନା କରିଥିଲେ । ଏହି ଅବସରରେ ପ୍ରେସକ୍ଲବର ଆବାହକ ଯୁଗଳ କିଶୋର ସାମଲ, ଉପସଭାପତି ସମରେଶ ମିଶ୍ର, ଦୈନିକ ‘ସକାଳ’ର ଜିଲ୍ଲା ପ୍ରତିନିଧି ଦିବ୍ୟ ରଞ୍ଜନ ପଟ୍ଟନାୟକ ସ୍ୱର୍ଗତ ଦାସଙ୍କ ସାମ୍ବାଦିକତା ଜୀବନୀ ଉପରେ ବକ୍ତବ୍ୟ ରଖିବାସହ ଆମେ ଏଭଳି ଜଣେ ପ୍ରତିଭାବାନ ସାମ୍ବାଦିକଙ୍କୁ ହରାଇଛୁ ଯାହାଙ୍କ ସ୍ଥାନ କେହି ପୂରଣ କରିପାରିବେ ନାହିଁ ବୋଲି କହିବାସହ ତାଙ୍କର ଅମର ଆତ୍ମାର ସଦଗତି କାମନା କରିଥିଲେ । ଅରିନ୍ଦମ ଦାସ ଜଣେ ନିର୍ଭୀକ, ଦୁଃସାହସିକ ତଥା ନିର୍ବିବାଦୀୟ ସାମ୍ବାଦିକ ରହିବା ସହ ବିଭିନ୍ନ ସମୟରେ ଦୁଃସାହାସିକ ସମ୍ବାଦ ସଂଗ୍ରହ କରି ରାଜ୍ୟ ତଥା ଦେଶରେ ଚହଳ ସୃଷ୍ଟି କରିବାସହ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲେ । ବନ୍ୟା, ବାତ୍ୟା ତଥା ମାଓବାଦୀ ସମ୍ପର୍କିତ ତଥ୍ୟ ସମୂହ ଜନମାନସରେ ପରିବେଷଣ କରାଇ ନିଜର ଏକ ଦୁଃସାହାସିକତା ପ୍ରତିପାଦନ କରାଇ ପାରୁଥିଲେ । ଏଭଳି ଜଣେ ସାମ୍ବାଦିକ ବନ୍ଧୁଙ୍କୁ ହରାଇ ଉପସ୍ଥିତ ସଦସ୍ୟମାନେ ମର୍ମାହତ ବୋଲି ଶୋକ ବାର୍ତ୍ତା ରେ ପ୍ରକାଶ କରିଥିଲେ । ସଭା ପ୍ରାରମ୍ଭରେ ସ୍ୱର୍ଗତ ଅରିନ୍ଦମଙ୍କ ଆତ୍ମାର ସଦଗତି କାମନା କରି ଉପସ୍ଥିତ ସଦସ୍ୟମାନେ ୨ମିନିଟ ନିରବ ପ୍ରାର୍ଥନା କରିବାସହ ତାଙ୍କ ପରିବାରକୁ ଭଗବାନ ସହାୟ ହୁଅନ୍ତୁ ବୋଲି କାମନା କରିଥିଲେ । କ୍ଳବର ସମ୍ପାଦକ ଦୁର୍ଯ୍ୟୋଧନ ବିଶି ଶେଷରେ ଧନ୍ୟବାଦ ଅର୍ପଣ କରିଥିଲେ ।
