ବୌଦ୍ଧ,୬/୧୦- ବଲାଙ୍ଗୀର ଜିଲ୍ଲା ଖପ୍ରାଖୋଲରେ ଗତ ୧ ତାରିଖରୁ ୪ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିବା ୨୩ ତମ ରାଜ୍ୟସ୍ତରୀୟ ତୀରନ୍ଦାଜ ଚାଂପିଆନସିପରେ ଓଡିଶାର ୨୧୪ ଜଣ ତୀରନ୍ଦାଜୀ ଅଂଶଗ୍ରହଣ କରିଥିଲେ । ବୌଦ୍ଧରୁ ମଧ୍ୟ ୧୩ ଜଣ ତୀରନ୍ଦାଜୀ ଅଂଶଗ୍ରହଣ କରିଥିଲେ । କିଡ୍ସ ବର୍ଗରେ ଇଣ୍ଡିଆନ ରାଉଣ୍ଡରେସାନଭି ମେହଟ୍ଟା ତୃତୀୟ ସ୍ଥାନ ଓ ସାଇଲକ୍ଷ୍ମୀ ନାଏକ ସ୍ୱତନ୍ତ୍ର ସ୍ଥାନ ଅଧିକାର କରି ବୌଦ୍ଧ ଜିଲ୍ଲା ପାଇଁ ଗୌରବ ଆଣିଛନ୍ତି । ଏହି ଦୁଇ କୃତି ପ୍ରତିଭାଙ୍କୁ ଜିଲ୍ଲା ଷ୍ଟାଡିୟମରେ ବୌଦ୍ଧଜିଲ୍ଲା ତୀରନ୍ଦାଜ ସଂଘର କର୍ମକର୍ତ୍ତା, ଅଭିଭାବକ, ତୀରନ୍ଦାଜୀ ଓ ଜିଲ୍ଲା ଆଥଲେଟିକ ଆସୋସିଏସନର କର୍ମକର୍ତ୍ତାଙ୍କ ଉପସ୍ଥିତିରେ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ବୌଦ୍ଧଜିଲ୍ଲା ପାଇଁ ଏହି ଦୁଇ ସମ୍ବର୍ଦ୍ଧିତ ପ୍ରତିଭା ଗୌରବ ଆଣିଥିବାରୁ ବୌଦ୍ଧରେ ଖୁସିର ଲହରୀ ଖେଳିଯାଇଛି ।
