ବୌଦ୍ଧ/ହରଭଙ୍ଗା,୮/୪- ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ହରଭଙ୍ଗା ଉଚ୍ଚମାଧ୍ୟମିକ ବିଦ୍ୟାଳୟରେ ଶୁକ୍ରବାର ପୋଗ୍ରାମ ଅଫିସର ଅଧ୍ୟାପକ ସୁଦାମ ଚରଣ ପୃଷ୍ଟିଙ୍କ ସଭାପତିତ୍ୱରେ ଛାତ୍ରୀ ଆତ୍ମ ସୁରକ୍ଷା ଶିବିର ଉଦଘାଟିତ ହୋଇଯାଇଛି । ଏଥିରେ ମହାବିଦ୍ୟାଳୟର ଅର୍ଥନୀତି ବିଭାଗର ଅଧ୍ୟାପକ ହିମାଂଶୁ ଶେଖର ରାଉତ ମୁଖ୍ୟବକ୍ତା ଏବଂ ଅଧ୍ୟାପକ ମନୋଜ ପ୍ରହରାଜ, ଲଳିତ ମହାପାତ୍ର, ସସ୍ମିତା ହାଁସଦା ସମ୍ମାନିତ ଅତିଥି ଭାବେ ଯୋଗଦେଇ ଛାତ୍ରୀମାନେ ନିଜର ସୁରକ୍ଷା ପାଇଁ ଅସମୟର ମୁକାବିଲା ଲାଗି କୌଶଳର ଆବଶ୍ୟକତା ଜାଣିବା ନିହାତି ଆବଶ୍ୟକ ବୋଲି କହିଥିଲେ । ଏଥିରେ ତାଲିମଦାତା ମିଲି ନାୟକ ଓ ପଦ୍ମିନୀ ବାରିକ ଯୋଗଦେଇ ଛାତ୍ରୀମାନଙ୍କୁ ତାଲିମ ଦେଇଥିଲେ । ଛାତ୍ରୀ ନିହାରିକା କର୍ଣ୍ଣ ଧନ୍ୟବାଦ ଅର୍ପଣ କରିଥିଲେ । ଏହି ଶିବିର ୮ଏପ୍ରିଲ ଠାରୁ ୧୨ଏପ୍ରିଲ ପର୍ଯ୍ୟନ୍ତ ଚାଲିବ ବୋଲି ପୋଗ୍ରାମ ଅଫିସର ପ୍ରକାଶ କରିଛନ୍ତି ।
