ବୌଦ୍ଧ,୮ା୮ : ବୌଦ୍ଧ ବ୍ଲକ ମୁର୍ଷୁଣ୍ଢିି ଗ୍ରାମପଞ୍ଚାୟତ ଗିରାସିଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବ ଚରଣ ଘିବେଲା ଯୋଗଦେଇ ଆୟୋଜିତ ସଭାରେ ପାଠ ପଢିବାରେ ଆଗ୍ରହ ରଖିବା, ଗଛ ଲଗାଇବା ସହିତ ତାର ଯତ୍ନନେବା ଉପରେ ପିଲାମାନଙ୍କୁ ପରାମର୍ଶ ଦେଇଥିଲେ । ସହଗୋଷ୍ଠୀ ଶିକ୍ଷା ଅଧିକାରୀ ଦାୟିତ୍ୱରେ ଥିବା ଅଖିଳ କୁମାର ପ୍ରଧାନ, ସି ଆର ସି ସି ରାଜକୁମାର ପ୍ରଧାନ ଗଳ୍ପ ମାଧ୍ୟମରେ ପିଲାଙ୍କୁ ଗଛର ଆବଶ୍ୟକତା ଉପରେ ବକ୍ତବ୍ୟ ରଖିଥିଲେ । ବିଦ୍ୟାଳୟ ପରିବେଶରେ ଅତିଥି, ଶିକ୍ଷକ ଓ ଛାତ୍ରଛାତ୍ରୀଙ୍କ ଦ୍ୱାରା ବୃକ୍ଷଚାରା ରୋପଣ କରାଯାଇଥିଲା । ପ୍ରଧାନ ଶିକ୍ଷକ ସୁଶୀଳ କୁମାର ଭୋଇ, ଶିକ୍ଷକ ସୁଶାନ୍ତ କୁମାର ସାହୁ, ମୋହନ କରଡିଆ, ତେଜେଶ୍ୱର ରାଉତ, ରଂଜିତ ପ୍ରଧାନ, ବିଦ୍ୟାଳୟ ପରିଚାଳନା କମିଟି ସଭାପତି ଗୋକୁଳି ବାଘ, ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟର ଶୁଭେନ୍ଦୁ କୁମାର ବାରିକଙ୍କ ସହିତ ବିଦ୍ୟାଳୟ ଛାତ୍ରଛାତ୍ରୀ ଉପସ୍ଥିତ ଥିଲେ ।
