ବୌଦ୍ଧ,୪/୪- ବୌଦ୍ଧ ସହରର ବାଇପାସ ରାସ୍ତାରୁ ଏକ କୁଣ୍ଡା ବୋଝେଇ ଟ୍ରକରୁ ଆଜି ବିପୁଳ ପରିମାଣରେ ଗଞ୍ଜେଇ ଜବତ ହୋଇଥିବା ଜଣାପଡିଛି । ଏକ କୁଣ୍ଡା ବୋଝେଇ ଟ୍ରକ ନଂ ଏମଏଚ୪୦ୱାଇ ୪୩୧୯ରେ ଗଞ୍ଜେଇ ଚାଲାଣ ହେଉଥିବା କୌଣସି ସୂତ୍ରରୁ ପୁଲିସ ସୂଚନା ପାଇ ଟ୍ରକକୁ ଅଟକ ରଖିଥିଲା । ଏହାପରେ ଟ୍ରକକୁ ଜବତକରି ଟ୍ରକ ଡ୍ରାଇଭର ଓ ହେଲ୍ପର ଅଟକ ରଖି ଅଧିକ ତଦନ୍ତ ଚଳାଇଛି ପୋଲିସ । ଅନ୍ୟପଟେ ଥାନାରେ ଡ୍ରାଇଭର ଓ ହେଲ୍ପରକୁ ଅଟକ ରଖାଯାଇଥିବାବେଳେ ଗାଡିଟି କେଉଁସ୍ଥାନର ଓ ଏହା କେଉଁ ସ୍ଥାନକୁ ଯାଇଥାନ୍ତା ଏ ସମସ୍ତ ଦିଗନେଇ ତଦନ୍ତ କରୁଛି ପୋଲିସ । ଡ୍ରାଇଭର ଓ ହେଲ୍ପର ପରିଚୟ ଖବର ଲେଖାଯିବା ପର୍ଯ୍ୟନ୍ତ ମିଳିପାରିନାହିଁ । ମାଜିଷ୍ଟ୍ରେଟଙ୍କ ଉପସ୍ଥିତିରେ ଏହାର ଓଜନ କରାଗଲେ ଏହାର ପରିମାଣ ଓ ଆନୁମାନିକ ମୂଲ୍ୟ ଜଣାପଡ଼ିବ ବୋଲି ପୋଲିସ ସୂଚନା ଦେଇଛି ।
