ବୌଦ୍ଧ,୧୭/୯- ସ୍ଥାନୀୟ ମାନେଶ୍ୱର ଶିବ ମନ୍ଦିରରେ ବିଜେପି କୃଷକ ମୋର୍ଚ୍ଚା ତରଫରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଉତ୍ସବ ମହାସମାରୋହରେ ପାଳନ କରାଯାଇଛି । ଏହି ଅବସରରେ ମୋଦିଜୀଙ୍କ ଦୀର୍ଘ ଜୀବନ ତଥା ବିଜେପିର ଉଜ୍ୱଳ ଭବିଷ୍ୟତ କାମନା କରି ହୋମ ଯଜ୍ଞ କରାଯାଇଥିଲା । ଉପସ୍ଥିତ ଥିବା ବ୍ୟକ୍ତିଙ୍କୁ ମିଠା ବଣ୍ଟନ କରାଯିବା ସଙ୍ଗେ ସଙ୍ଗେ ବର, ପିପ୍ପଳ, ଆମ୍ବ, ବେଲ ଆଦି ବୃକ୍ଷରୋପଣ କରାଯାଇଥିଲା । ଶେଷରେ ଅମୃତ କଳସରେ ମୋ ମାଟି ମୋ ଦେଶ ଯୋଜନାରେ ମାଟି ସଂଗ୍ରହ କରି କୃଷକ ମୋର୍ଚ୍ଚା ସଭାପତିଙ୍କୁ ପ୍ରଦାନ କରାଯାଇଥିଲା । ଉପସ୍ଥିତ ଚାଷୀ ମାନଙ୍କୁ ମୋଦୀ ସରକାର ଚାଷୀ ମାନଙ୍କ ପାଇଁ କରିଥିବା ବିଭିନ୍ନ ଚାଷୀ ହିତକାରୀ ଯୋଜନା ବିଷୟରେ ଅବଗତ କରାଯାଇଥିଲା ।ଏହି କାର୍ଯ୍ୟକ୍ରମରେ ମୋର୍ଚ୍ଚା ସଭାପତି ଶ୍ରୀ ରବି ଦେଓ,ରାଜ୍ୟ କୃଷକ ମୋର୍ଚ୍ଚା ଉପ ସଭାପତି ସୂର୍ଯ୍ୟ ମହାପାତ୍ର,ମଣ୍ଡଳ ସଭାପତି ନବୀନ ହୋତା,ସାଧାରଣ ସମ୍ପାଦକ ବୈକୁଣ୍ଠ ପ୍ରଧାନ,ତ୍ରିନାଥ ଖମାରୀ,ପୟୋଧର ମହାକୁଡ,ରାଜୁ ମେହେର, ତ୍ରିପୁରାର ଖମାରୀ, ମାନସ ଖମାରୀ, ଅରୁଣ ମହାକୁଡ, ଅକ୍ରୁର ପ୍ରଧାନ ପ୍ରମୁଖ ଶତାଧିକ ଚାଷୀ ଓ ମହିଳା ଯୋଗ ଦେଇଥିଲେ ।
