ନୂଆଦିଲ୍ଲୀ : ଆମର ଦେହର କୌଣସି ଜାଗାରେ ଉଷମ କ୍ଷୀର କିମ୍ବା ପାଣି ପଡିଗଲେ ଆମକୁ କେତେ କଷ୍ଟ ଲାଗେ । କିନ୍ତୁ ଜଣେ ପିଲା ଉଷୁମା ପାଣିରେ ଧ୍ୟାନରେ ବସିଥିବା ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଯାହା ଦେଖିବା ପରେ ଆପଣଙ୍କ ଦେହ ଶିହିରି ଉଠିବ । ଏହି ଭିଡିଓ କେଉଁଠିକାର ଓ କେବେ ଉତ୍ତୋଳନ କରାଯାଇଛି ତାହା ଏ ପର୍ଯ୍ୟନ୍ତ ଜଣାପଡିନାହିଁ ।
ଜଣେ ଟ୍ୱିଟର ୟୁଜରକାରୀ ଏହି ଭିଡିଓକୁ ନିଜର ଆକାଉଣ୍ଟରେ ସେୟାର କରିଛନ୍ତି । ଭିଡିଓ ଦେଖାଯାଉଛି ଯେ, ଏକ ଚୁଲ୍ଲାରେ ହୁତୁହୁତ ନିଆଁ ଜଳୁଛି ଓ ସେହି ଚୁଲ୍ଲା ଉପରେ ଏକ କଡେଇ ବସିଛି, ସେଥିରେ ଜଣେ ପିଲା ଧ୍ୟାନରେ ବସିଛନ୍ତି । କଡେଇ କିଛି ଫୁଲ ମଧ୍ୟ ପଡିଛି । ସେହିପରି ତାଙ୍କ ପଛରେ ପଟେ ଏକ ପୋଷ୍ଟର ମଧ୍ୟ ଲଗାଯାଇଛି । ସେଥିରେ ଲେଖା ଅଛି ଭକ୍ତ ପ୍ରହଲ୍ଲାଦ । ଏହି ସମୟରେ ବହୁ ଲୋକ ରୁଣ୍ଡ ହୋଇ ପିଲାଟିକୁ ଦେଖୁଥିବା ବେଳେ ଆଉ କେତେକ ନିଜର ମୋବାଇଲରେ ଭିଡିଓ ଉତ୍ତୋଳନ କରୁଛନ୍ତି ।
