ଖପ୍ରାଖୋଲ: ବଲାଙ୍ଗିର ଜିଲ୍ଲା ଖପ୍ରାଖୋଲ ବି/୧୮୯ ସିଆରପିଏଫ ଯବାନଙ୍କ ଦ୍ୱାରା ବନ ମହୋତ୍ସବ ବୁଧବାର ପାଳିତ ହୋଇଯାଇଛି । ଏହି ଅବସରରେ ଖପ୍ରାଖୋଲ ଆରଚେରି ଖେଳପଡିଆ ନିକଟରେ ଖପ୍ରାଖୋଲ ସିଆରପିଏଫ କମାଣ୍ଟାଣ୍ଟ ପ୍ରଶାନ୍ତ କୁମାର ସାହୁ , ଦ୍ୱିତୀୟ ଆସିଷ୍ଟାଣ୍ଟ କମାଣ୍ଡେଣ୍ଟ ପୀତବାସ ପଣ୍ଡା ଓ ବି/୧୮୯ ବାହିନୀ ଖପ୍ରାଖୋଲ ଇନିସପେକ୍ଟର ସନାତନ ସାହୁ ଯୋଗଦେଇ ପରିବେଶ ଓ ଜଳବାୟୁ ସନ୍ତୁଳନ ରକ୍ଷା ନିମନ୍ତେ ସମସ୍ତେ ବୃକ୍ଷରୋପଣ କରିବା ସହିତ ଜଙ୍ଗଲ ସୁରକ୍ଷା କରିବାକୁ ଆହ୍ୱାନ ଦେଇଥିଲେ । ପରେ ଖେଳପଡିଆ ଠାରେ ଜନସାଧାରଣଙ୍କ ଉପସ୍ଥିତିରେ ବୃକ୍ଷରୋପଣ କରାଯାଇଥିଲା । ଏହି ଅବସରରେ ଅନ୍ୟମାନଙ୍କ ମଧ୍ୟରେ ଯୁବ ସାମ୍ବାଦିକ ରୁପେନ୍ଦ୍ର ମୁଣ୍ଡା , ରମାକାନ୍ତ ଭୋଇ , ସମିର ଦେବ ଚୈାହ୍ୱାନ , ସୁନୀଲ ପାତ୍ର , ସଞ୍ଜିବ କୁମାର ନାଏକଙ୍କ ସମେତ ଶତାଧିକ ମହିଳା ପୁରୁଷ ଯୋଗଦେଇଥିଲେ ।
