ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ଅର୍ଣ୍ଣପୂର୍ଣ୍ଣା ରେସିଡେନ୍ସିଠାରେ ବୀରମହାରାଜପୁର ମଣ୍ଡଳ ବିଜେପି ପକ୍ଷରୁ ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ଏକ ଶହ ଛଅ ତମ ଜୟନ୍ତୀ ପାଳିତ ହୋଇଯାଇଛି । ବୀରମହାରାଜପୁର ମଣ୍ଡଳ ବିଜେପି ସଭାପତି ହରିହର ପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ସୁବର୍ଣ୍ଣପୁର ଜିଲ୍ଲାପରିଷଦ ଅଧ୍ୟକ୍ଷ୍ୟା ଉଷା କୁମାରୀ ମୁଖ୍ୟ ଅଥିତି ଭାବରେ ଯୋଗଦେଇ ପ୍ରଦୀପ ପ୍ରଜ୍ୱଳନ କରିଥିଲେ । ବିଜେପି କୃଷକ ମୋର୍ଚ୍ଚା ରାଜ୍ୟ କାର୍ଯ୍ୟକାରିଣୀ ସଦସ୍ୟ କିଶୋର ହୋତା ମୁଖ୍ୟବକ୍ତା ଭାବରେ ଯୋଗଦେଇ ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ଜୀବନ ଦର୍ଶନ, ଏକାତ୍ମମାନବବାଦ, ଅନ୍ତଦୋୟୋ ଓ ରାଷ୍ଟ୍ରବାଦ ଉପରେ ଆଲୋକପାତ କରିଥିଲେ । ବିଜେପି ଜିଲ୍ଲା ସାଧାରଣ ସମ୍ପାଦକ ବେଣୁଧର ଦାଶ, ଜିଲ୍ଲା ବିଜେପି ଉପ ସଭାନେତ୍ରୀ ନଳିନୀ ପଣ୍ଡା ପ୍ରମୁଖ ସମ୍ମାନିତ ଅଥିତି ଭାବରେ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ । ଉକ୍ତ କାର୍ଯ୍ୟକ୍ରମରେ ବିଜେପି ମଣ୍ଡଳ ଉପ ସଭାପତି ଗୌର ଜଗଦଲା, ଦିଲ୍ଲୀପ ପଧାନ, ଧର୍ମଶାଳା ମଣ୍ଡଳ ପ୍ରଭାରି ସୁମନ୍ତ ଜଗଦଲା,ରାଧାଚରଣ ମେହେର, ସାରଙ୍ଗ ପଧାନ, ପଙ୍କଜ ନାୟକ, ଭୁଲା ଶଙ୍କର ବାଘ, ବାବୁଲା ପଧାନ, ସୌମିତ୍ରୀ ବିଶ୍ୱାଳ, ଅମିତ କୁମାର ଭୋଇ, ଅନୁସୂଚିତ ଜାତି ମୋର୍ଚ୍ଚା ସଭାପତି କରମୁ କଳତା, କୃଷକ ମୋର୍ଚ୍ଚା ସଭାପତି ଋଷି ମଣି ପଧାନଙ୍କ ସମେତ ବହୁ ବିଜେପି କାର୍ଯ୍ୟକର୍ତ୍ତା ଯୋଗଦେଇଥିଲେ । ବୀରମହାରାଜପୁର ମଣ୍ଡଳ ବିଜେପିସାଧାରଣ ସମ୍ପାଦକ ଶିବ ନାରାୟଣ ପଣ୍ଡା ଧନ୍ୟବାଦ ଦେଇଥିଲେ ।
