ଘୁ.ଉଦୟଗିରି,୨୪/୫:- କାଳବୈଶାଖୀ ବର୍ଷା ପବନରେ ଘୁ. ଉଦୟଗିରି କଳିଙ୍ଗ ମହାବିଦ୍ୟାଳୟ ନିକଟରେ ବିଦ୍ୟୁତ ଖୁଣ୍ଟ ଉପୁଡ଼ି ଯିବା ସହ ବିରାଟ ଆମ୍ବ ଗଛ ମଧ୍ୟ ଉପୁଡ଼ି ଯାଇଥିବାରୁ ରାଜ୍ୟ ରାଜପଥ ଅବରୋଧ ହୋଇଥିବା ଦେଖିବାକୁ ମିଳିଛି । ଆଜି ଅପରାହ୍ନ ସମୟରେ ହଠାତ୍ କାଳବୈଶାଖୀ ବର୍ଷା ହେବାସହ ଅତ୍ୟଧିକ ପବନ ଓ ଘଡ଼ଘଡ଼ି ମଧ୍ୟ ହୋଇଥିଲା । ପବନର ବେଗ ଏତେ ମାତ୍ରାରେ ଥିଲା ଯେ ବଡ ବଡ଼ ଗଛ ଉପୁଡ଼ି ଯାଇଥିଲା । ପରେ ପ୍ରଶାସନ ପକ୍ଷରୁ ଗଛ କାଟି ସଫା କରିବା ପରେ ରାସ୍ତା ଅବରୋଧ ହଟିଥିଲା । କାଳବୈଶାଖୀର ପ୍ରଭାବରେ କୌଣସି ଧନ ଜୀବନ କ୍ଷତି ହୋଇଥିବା ସୂଚନା ମିଳିନାହିଁ ।
