ଗଜପତି,୩/୧ – ବ୍ରହ୍ମପୁର ଠାରେ ଆୟୋଜିତ ଓପେନ ତାଇକଣ୍ଡୋ ଚଂପିଅନସିପରେ ଜିଲ୍ଲା ତାଇକଣ୍ଡୋ ଏସୋସିଏସନକୁ ୧୦୪ଟି ପଦକ ହାସଲ ହୋଇଛି । ଏଥିରେ ଗଜପତି ଜିଲ୍ଲାର ୬୧ଜଣ ପୁଅ ଓ ୨୯ଝିଅ ସମୁଦାୟ ୯୦ଜଣ ଭାଗ ନେଇଥିବା ବେଳେ ସମଗ୍ର ରାଜ୍ୟର ବିଭିନ୍ନ ଜିଲ୍ଲାରୁ ୪ସହରୁ ଉର୍ଦ୍ଧ୍ୱ ଖେଳାଳୀ ଭାଗ ନେଇଥିଲେ । କିନ୍ତୁ ଗଜପତି ଜିଲ୍ଲାର ଖେଳାଳୀମାନେ ଉଚ୍ଚ଼କୋଟୀର ଖେଳ ପ୍ରଦର୍ଶନ କରି ରାଜ୍ୟର ସମସ୍ତ ଜିଲ୍ଲା ମଧ୍ୟରେ ଶ୍ରେଷ୍ଠ ହେବାସହ ଚାମ୍ପିଆନସିପ ବିଜୟ ହାସଲ କରିଛନ୍ତି । ଏହି ପ୍ରତିଯୋଗିତାରେ ପାଇରିଙ୍ଗ ଓ ପୁମସେ ଦୁଇପ୍ରକାର ଖେଳ ହୋଇଥିଲା ଯେଉଁଥିରେ ଗଜପତି ଜିଲ୍ଲାର ଝିଅମାନେ ୩୭ଟି ମେଡେଲ ପାଇଥିବାବେଳେ ପୁଅ ମାନେ ୬୭ଟି ମେଡେଲ ହାସଲ କରିଛନ୍ତି । ସେଥିରୁ ସ୍ୱର୍ଣ୍ଣ ୩୮, ରୌପ୍ୟ ୩୬ ଓ କାଂସ୍ୟ ୩୦ଟି ରହିଛି । ଯାହାକୁ ନେଇ ଜିଲ୍ଲା ସଦରମହକୁମା ପାରଳାଖେମୁଣ୍ଡିରେ ଏକ ବିଜୟ ଶୋଭାଯାତ୍ରା ଆୟୋଜିତ ହେବା ସହ ତାଇକଣ୍ଡୋ ସମରକଳା କେବଳ ଗୋଟିଏ କ୍ରୀଡା ନୁହେଁ ଏହା ଉତ୍ତମ ସ୍ୱାସ୍ଥ୍ୟ ଗଠନ ସହ ସମର ବିଦ୍ୟା ବୋଲି ଗଣମାଧ୍ୟମକୁ ସୂଚନା ଦିଆଯାଇଛି । ସେପଟେ କୃତିତ୍ୱ ହାସଲ କରିଥିବା ଖେଳାଳି ସେମାନଙ୍କ ମନୋବଳ କେତେ ଦୃଢ ହୋଇଛି ଗଣମାଧ୍ୟମ ସମ୍ମୁଖରେ ପ୍ରକାଶ କରିଛନ୍ତି ।
