ଗଞ୍ଜାମ,୨୧/୮: ବ୍ରହ୍ମପୁରର ଲାଞ୍ଜିପଲ୍ଲୀସ୍ଥ ବରିଷ୍ଠ ନାଗରିକ ମଂଚର ହସ, ଯୋଗ ଓ ବ୍ୟାୟାମ କେନ୍ଦ୍ରରେ ମଂଚ ସଭାପତି ପ୍ରଫେସର ଭାସ୍କର ପାଢ଼ୀଙ୍କ ତତ୍ତ୍ୱାବଧାନରେ ସ୍ଥାନୀୟ ଦିବ୍ୟ ଜୀବନ ସଂଘ ପରିସରରେ ଜନ୍ମାଷ୍ଟମୀ ଉତ୍ସବ ଅତି ଯାକଜମକରେ ପାଳିତ ହୋଇଯାଇଛି । ଉପସ୍ଥିତ ଅର୍ଦ୍ଧଶତାଧିକ ସଦସ୍ୟ ସମୁହ ଭାବେ ମହାମନ୍ତ୍ର, ବାଳ ଗୋପାଳ ମନ୍ତ୍ରମାନ ପାଠ କରିବା ସହ ଭଜନକୀର୍ତ୍ତନ କରିଥିଲେ । କେନ୍ଦ୍ରର ସକ୍ରିୟ ସଦସ୍ୟଗଣ ସର୍ବଶ୍ରୀ ପ୍ରଫେସର ଅରୁଣ କୁମାର ପଣ୍ଡା, ଶାନ୍ତନୁ କୁମାର ମିଶ୍ର, ରମେଶ ଚନ୍ଦ୍ର ମହାନ୍ତି, ସୁରେଶ ଚନ୍ଦ୍ର ଜେନା, ଚିନ୍ତାମଣି ସାହୁ, ବିଶ୍ୱନାଥ ପଣ୍ଡା, ଶିବରାମ ପାଣିଗ୍ରାହୀ, ସିମାଞ୍ଚଳ ପଣ୍ଡା, ସୀତାରାମ ତ୍ରିପାଠୀ, ବିଭୂତି ଭୂଷଣ ବେହେରା, ଉଦୟନାଥ ସାହୁ, ପୁରନ୍ଦର ମହାକୁଡ, ଟି ସୁବାସ ଚନ୍ଦ୍ର ପାତ୍ର, କେ କ୍ରିଷ୍ଣା ରାଓ ପ୍ରମୁଖ ଉତ୍ସବରେ ମିଷ୍ଟାନ୍ନ ବଣ୍ଟନ କରିଥିଲେ । ପ୍ରସାଦ ସେବନ ପରେ କାର୍ଯ୍ୟକ୍ରମ ସମାପ୍ତ ହୋଇଥିଲା ।
