ଗଞ୍ଜାମ, ୫/୩: ଗଞ୍ଜାମ ଜିଲ୍ଲା କୋଦଳା ଏନଏସି ଦଣ୍ଡିସ୍ୱର ମନ୍ଦିର ପ୍ରାଙ୍ଗଣରେ ଆଜି ପ୍ରବାଦ ପୁରୁଷ ବିଜୁ ଜନ୍ମଜୟନ୍ତୀ ବହୁ ଆଡମ୍ବର ସହ ପାଳନ କରାଯାଇଛି । ପ୍ରଥମେ କୋଦଳା କଲ୍ୟାଣ ମଣ୍ଡପ ନିକଟରୁ ଶହଶହ ମହିଳା ଓ ପୁରୁଷ ଏକ ଶୋଭାଯାତ୍ରାକରି ମନ୍ଦିର ନିକଟରେ ପହଞ୍ଚି ସେଠାରେ ଏକ ସଭାର ଆୟୋଜନ କରାଯାଇଥିଲା । ସେଠାରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ସମାରୋହରେ ଯୋଗଦେଇ ଦୁଇଦଶନ୍ଧିରୁ ଅଧିକ ସମୟ ଧରି ବିଜୁ ଜନତା ଦଳର ସଫଳ ଯାତ୍ରା ସମ୍ପର୍କରେ ଆଲୋଚନା କରିଥିଲେ । କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ଓଡିଶାର ଅତୀତ ଗୌରବକୁ ଫେରାଇ ଆଣିବା ଓ ଓଡିଶାକୁ ବିକାଶର ଶିଖରରେ ପହଞ୍ଚାଇବା ଥିଲା ବିଜୁବାବୁଙ୍କ ଜୀବନର ଲକ୍ଷ୍ୟ । ଏହି ଅବସରରେ କୋଦଳା ଅଞ୍ଚଳର ଲୋକମାନଙ୍କୁ ଆଗାମୀ ପୌର ପରିଷଦ ନିର୍ବାଚନରେ କୋଦଳାରେ କିଭଳି ବିଜେଡି ବହୁମାତ୍ରାରେ ବିଜେଡି ଜିତିବ ସେନେଇ ଲୋକମାନଙ୍କୁ କହିଥିଲେ । ଏଇ କାର୍ଯ୍ୟକ୍ରମରେ କୋଦଳା ବିଜେଡି ନଗର ସଭାପତି ସଂଜୀବ କୁମାର ସାହୁ , ସାଧାରଣ ସମ୍ପାଦକ ଗୋପାଳ କୃଷ୍ଣ ସାହୁ, ଯୁବ ସଭାପତି ସୁଦାମ ମହାନ୍ତି ,ଛାତ୍ର ସଭାପତି ଲିପୁ ପାଣ୍ଡୀ, ବିଜେଡି କର୍ମୀ ବୁଲୁ ନନ୍ଦ, ସମାଜସେବୀ ଚିତ୍ରସେନ ପରିଡା, ବରିଷ୍ଠ ଆଇନଜୀବୀ ତାରିଣିଚରଣ ପଟ୍ଟନାୟକଙ୍କ ସମେତ ବହୁ ବିଜେଡି କର୍ମକର୍ତ୍ତା ଯୋଗ ଦେଇଥିଲେ ।
