ସୁବର୍ଣ୍ଣପୁର : ବୌଦ୍ଧଜିଲ୍ଲାର ରାମଲୀଳା ପଡିଆ ଠାରେ ସ୍ଥାନୀୟ ଆର୍ଟ ଟେମ୍ପୁଲ ଆନୁକୂଲ୍ୟରେ ଅନୁଷ୍ଠିତ ହୋଇଥିବା ଦିନିକିଆ ମାର୍ସଲ ଆର୍ଟ ବେଲ୍ଟ ପରୀକ୍ଷାରେ ସୁବର୍ଣ୍ଣପୁର ଜିଲ୍ଲାର ଜୁଡୋକରାଟେ ସ୍କୁଲର ୭ଜଣ ଛାତ୍ର ଆନ୍ତଃଜିଲ୍ଲା ସ୍ତରରେ କୃତିତ୍ୱର ସହ ବିଭିନ୍ନ ଗ୍ରେଡ଼ ହାସଲ କରିଛନ୍ତି । କରାଟେ ସ୍କୁଲର କୋଚ ଥାର୍ଡ଼ ଡାଉନ୍ ବ୍ଲାକବେଲ୍ଟ ସୁରଜ ପୂଝାରୀଙ୍କ ନେତୃତ୍ୱରେ ପ୍ରତିଯୋଗୀମାନେ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ସର୍ବଶ୍ରୀ ମିଲନ କୁମାର ଦାସ,ବୃନ୍ଦାବନ ଭୋଇ, ସଙ୍ଗମ ପ୍ରସାଦ ମେହେରହଳଦିଆ ବେଲ୍ଟ ପାଇଥିବାବେଳେ ରାଧେଶ୍ୟାମ ସୁନା, ନିମାଇଁ ମହାକୁଡ଼ ଅରେଞ୍ଜ ବେଲ୍ଟ ପାଇଛନ୍ତି । ସେହିପରି ବ୍ଲୁ ସିନିଅରରେ ନିଳାଦ୍ରି ଚନ୍ଦ୍ର ପାତ୍ର ଓ ବ୍ଲୁ ଜୁନିଅରରେ ରଘୁନାଥ ହୋତା ବେଲ୍ଟ ହାସଲ କରି ସମଗ୍ର ଜିଲ୍ଲାର କ୍ରୀଡାପ୍ରେମୀଙ୍କ ଭିତରେ ଏକ ଉନ୍ମାଦନା ଭରିଦେଇଛନ୍ତି । ଏହି ପ୍ରତିଯୋଗିତାରେ ମୁଖ୍ୟ ଅତିଥି ଭାବରେ କାନସିନ୍ କାଇ କରାଟେର ଚିଫ୍ ଜ୍ଞାନ ରଞ୍ଜନ ମହାନ୍ତି ଯୋଗଦେଇ କୃତିତ୍ୱ ହିସଲ କରିଥିବା ସମସ୍ତଙ୍କୁ ବେଲ୍ଟ ପ୍ରଦାନ କରିଥିଲେ । ବିଜୟୀ ପ୍ରତିଯୋଗୀଙ୍କୁ ସୁବର୍ଣ୍ଣପୁର ଜୁଡୋକରାଟେ ସ୍କୁଲର ସଭାପତି ସୁକାନ୍ତ କୁମାର ସାହୁ ସମସ୍ତ ବିଜୟୀଙ୍କୁ ସ୍ୱାଗତ କରିବାସହ ସଫଳତା ପାଇଁ ଅଭିନନ୍ଦନ ଜଣାଇଛନ୍ତି ।
