କଂଟାବାଞ୍ଜି,୬/୩- ଆଜି ଏନ୍ ଏସି ଅଧକ୍ଷ ପଦ ପାଇଁ ବରିଆମ ସିଂ ସାଲୁଜା କଂଗ୍ରେସ ପ୍ରାର୍ଥୀ ଭାବରେ ନାମାଙ୍କନ କରିଛନ୍ତି । ସେ ବିଧାୟକ ସନ୍ତୋଷ ସିଂ ସାଲୁଜାଙ୍କ ଭାଇ । ସେ ବିଧାୟକଙ୍କ ବିଭିନ୍ନ କାର୍ଯ୍ୟ ଓ ଦଳୀୟ କାର୍ଯ୍ୟ ବୁଝାଶୁଝା ଦୀର୍ଘଦିନରୁ କରୁଥିଲେ । ଏପର୍ଯ୍ୟନ୍ତ ଅନ୍ୟ ଦୁଇଦଳ ବିଜେଡି ଓ ବିଜେପି ପ୍ରାର୍ଥୀ ଘୋଷଣା କରି ନାହାଁନ୍ତି । ଆସନ୍ତାକାଲି ନାମାଙ୍କନ ଦାଖଲ ଶେଷ ଦିନ । ଯେ କୌଣସି ସମୟରେ ବିଜେପି ଓ ବିଜେଡି ପ୍ରାର୍ଥୀଙ୍କ ନାମ ପ୍ରକାଶ ପାଇପାରେ । ଆଉ ୧୬ ୱାର୍ଡ ବିଶିଷ୍ଟ ଏନ୍ଏସିର ଭୋଟର କିଏ କିଏ ପ୍ରାର୍ଥୀ ହେବେ ନଜର ରଖିଛନ୍ତି । ତେବେ କଂଟାବାଞ୍ଜି ଲଢେଇ ତ୍ରିମୁଖୀ ହେବ ବୋଲି ଚର୍ଚ୍ଚା ହେଉଛି ।
