କଣ୍ଟାବାଞ୍ଜି : କ୍ରୀଡାବିତଙ୍କ ବହୁମୁଖୀ ବିକାଶ ଓ ମହାବାତ୍ୟା ନିରୋଧୀ ଇଣ୍ଡୋର ଷ୍ଟାଡ଼ିଉମ ପ୍ରକଳ୍ପ ଉଦଘାଟନ କାର୍ଯ୍ୟକ୍ରମ ସ୍ଥାନୀୟ ସରକାରୀ ବାଳିକା ବିଦ୍ୟାଳୟଠାରେ ଅନୁଷ୍ଠିତ ହୋଇଯାଇଛି । ଜିଲ୍ଲା ସାଧରଣ ସମ୍ପାଦକ ଫିରୋଜ ଖାନଙ୍କ ନେତୃତ୍ୱ ଏହି କାର୍ଯ୍ୟକ୍ରମରେ ମହିଳା ଓ ଶିଶୁ ବିକାଶ ମନ୍ତ୍ରୀ ଟୁକୁନି ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସରକାରୀ ବାଳିକା ବିଦ୍ୟାଳୟ ପଛପଟେ ରହିଥିବା ୦.୯୦ ଡିସମିଲ ଜାଗାରେ ନିର୍ମାଣ ହୋଇଥିବା ଇଣ୍ଡୋର ଷ୍ଟାଡ଼ିଉମର ଶୁଭ ଉଦଘାଟନ ମନ୍ତ୍ରୀ ଟୁକୁନି ସାହୁ କରିଛନ୍ତି । ଖେଳାଳି ମାନଙ୍କ ପାଇଁ ବହୁମୁଖୀ ବିକାଶ ସହ ସମସ୍ତ ବର୍ଗ ପାଇଁ ମୁଖ୍ୟମନ୍ତ୍ରୀଙ୍କ ସହଯୋଗ ରହିଥିବାରୁ ସହର ବାସୀଙ୍କ ତରଫରୁ କୃତଜ୍ଞତା ଜଣାଇଛନ୍ତି । କୃଷକ ମୋର୍ଚ୍ଚା ସଭାପତି ଅଜୟ ଦାସ, ନଗର ସଭାପତି ଏସ ଜଗନ୍ନାଥ ରାଓ, ଉପସଭାପତି ଦେବର୍ଜନ ବାରିକ, ରାଜ୍ୟ ମହିଳା ଉପସଭାନେତ୍ରୀ ଗୋପା ମହାନନ୍ଦ, ଉପନଗରପାଳ କିଶୋର ମଛଖଣ୍ଡ, ବିଜୟ ବଂଶଳ, ମନୋଜ ଚଣ୍ଡୀ, ଧୀରୁ ସାହୁ,ଦେବରାଜ ୟାଦବ, ବିଶାଳ ବେହେରା,ମହିଳା ନେତ୍ରୀ ଶାଳିନୀ ଜୈନ, ପିଙ୍କି ଖରସେଲ, ସିମରନ କୌର ପ୍ରମୁଖ ଉପସ୍ଥିତ ଥିଲେ । କୋଭିଡ କଟକଣା ଅନୁଯାୟୀ ସୀମିତ ସଂଖ୍ୟାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
