ଭୁବନେଶ୍ୱର: ଆଜି ସନ୍ଧ୍ୟା ସୁଦ୍ଧା ହୀରାକୁଦ ବନ୍ୟା ଜଳ ମୁଣ୍ଡଳିରେ ପହଞ୍ଚିବ । ମୁଣ୍ଡଳି ପରିଦର୍ଶନ ବେଳେ ଏହି ସୂଚନା ଦେଇଛନ୍ତି ଜଳ ସମ୍ପଦ ସର୍ବୋଚ୍ଚ ଯନ୍ତ୍ରୀ ।
ସେ କହିଛନ୍ତି ଯେ, ଏବେ ମୁଣ୍ଡଳିରେ ଜଳସ୍ତର ଖସୁଛି । ତଳ ମୁଣ୍ଡରେ ଆଉ ବର୍ଷା ନାହିଁ । ମୁଣ୍ଡଳିରେ ସର୍ବାଧିକ ୬.୪୩ ଲକ୍ଷ କୁ୍ୟସେକ ଜଳ ପ୍ରବାହିତ ହେଉଥିଲା । ଏବେ ପ୍ରବାହିତ ଜଳ ପରିମାଣ ଖସି ୫.୯୬ ଲକ୍ଷ କୁ୍ୟସେକରେ ପହଞ୍ଚିଛି । ହୀରାକୁଦ ଜଳ ମୁଣ୍ଡଳିରେ ପହଞ୍ଚିବାକୁ ୩୬ ଘଣ୍ଟା ସମୟ ଲାଗିଥାଏ । ଆଜି ସନ୍ଧ୍ୟାରୁ ହୀରାକୁଦ ଜଳ ପହଞ୍ଚିବା ଆରମ୍ଭ ହେବ । ହୀରାକୁଦ ଜଳ ପହଞ୍ଚିବା ବେଳକୁ ସ୍ଥାନୀୟ ଜଳ କମି ଯାଇଥିବ । ଆଉ ବଢିବାର ନାହିଁ । ବନ୍ୟାର ବିଶେଷ କିଛି ଆଶଙ୍କା ନାହିଁ ବୋଲି ଜଳ ସମ୍ପଦ ସର୍ବୋଚ୍ଚ ଯନ୍ତ୍ରୀ ସୂଚନା ଦେଇଛନ୍ତି ।
