ପୁରୀ : ନିମାପଡ଼ାରେ ଅଭାବନୀୟ ଘଟଣା । ସୈତାନ୍ ପାଲଟିଲା ସ୍ୱାମୀ । ନିଜ ସ୍ତ୍ରୀର ଗଳାକାଟି ହତ୍ୟା କଲା ସ୍ୱାମୀ । ଏଭଳି ନୃଶଂସ ଘଟଣା ଘଟିଛି ପୁରୀ ଜିଲ୍ଲା ନିମାପଡା ବ୍ଳକ୍ ଦିଘାଳ ମୁସଲିମ ବସ୍ତିରେ । ଓରଫାନ ଖାଁ ନାମକ ଜଣେ ବ୍ୟକ୍ତି ତାଙ୍କ ପତ୍ନୀ ତାରୁନ ବିବିକୁ ଏକ ଧାରୁଆ ଅସ୍ତ୍ରରେ ତଣ୍ଟି କାଟି ହତ୍ୟା କରିଥିବା ଅଭିଯୋଗ ହୋଇଛି ।
ଗତକାଲି ବିଳମ୍ବିତ ରାତିରେ ସ୍ତ୍ରୀକୁ ହତ୍ୟା କରଛି । ଖବର ପାଇଁ ନିମାପଡା ପୋଲିସ ଘଟଣା ସ୍ଥାନରେ ପହଞ୍ଚି ସ୍ୱାମୀଙ୍କୁ ଅଟକ ରଖି ପଚରା ଉଚରା କରୁଛି । ପାରିବାରିକ କଳହକୁ ନେଇ ହତ୍ୟାକାଣ୍ଡ ହୋଇଥିବା ସନ୍ଦେହ କରାଯାଉଛି । ଘଟଣା ସ୍ଥାନରେ ସାଇଣ୍ଟିଫିକ ଟିମ୍ ସହ ନିମାପଡ଼ାରେ ପହଞ୍ଚି ତଦନ୍ତ କରୁଛନ୍ତି । ଦିଘାଳ ମୁସଲିମ ବସ୍ତିରେ ଦୁଃଖଦ ଖବରକୁ ନେଇ ଗାଁ ସୁନୁଶାନ ହୋଇଥିବା ବେଳେ କାହିଁକି ହତ୍ୟା ହେଲା, ହତ୍ୟା କରିବାର କାରଣ କ’ଣ ନିମାପଡ଼ା ପୋଲିସ ଖୋଳତାଡ ଆରମ୍ଭ କରିଛି । ତେବେ ମୃତ ମହିଳାଙ୍କ ଭାଇ ଥାନାରେ ଏ ଏତାଲା ଦେଇଛନ୍ତି । ଗତ କିଛବର୍ଷ ହେବ ମୃତକଙ୍କ ସ୍ୱାମୀ ପତ୍ନୀଙ୍କୁ ନିର୍ଯାତନା ଦେଉ ଥିଲେ । ଏ ନେଇ ଅନେକ ଥର ଭଦ୍ର ଲୋକଙ୍କ ଉପସ୍ଥିତରେ ପୂର୍ବରୁ ଅନେକ ଥର ସମାଧାନ ହୋଇଛି । ତେବେ ଗତକାଲି ତାଙ୍କୁ ହତ୍ୟା କରାଯାଇ ଥିବା ଥାନାରେ ଅଭିଯୋଗ ହୋଇଛି । ଏହି ହତ୍ୟାକାଣ୍ଡ ଘଟଣା ର ମୃତ ମହିଳା ସ୍ୱାମୀ ସହିତ ତାଙ୍କ ପରିବାର ଲୋକ ସଂପୃକ୍ତି ରହିଛି । ସମସ୍ତଙ୍କୁ ପୋଲିସ୍ ତଦନ୍ତ କରି ଗିରଫ କରୁ ବୋଲି ମୃତ ମହିଳା ତାରୁନ ବିବିଙ୍କ ଭାଇ ନିମାପଡା ଥାନାରେ ଅଭିଯୋଗ ହୋଇଛି ।
