ବୌଦ୍ଧ : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣା କଟକ ଥାନା ଅନ୍ତର୍ଗତ ଲୁଣିବାହାଲ ଛକ ଠାରେ ଜମିବାଡ଼ି କୁ କେନ୍ଦ୍ର କରି ଭାଇକୁ ଜଣେ ସମ୍ପର୍କୀୟ ଭାଇ ହତ୍ୟା କରିଥିବା ସୂଚନା ମିଳିଛି । ପ୍ରାପ୍ତ ସୂଚନା ମତେ ଗୁରୁବାର ଦିନ ସାଢେ ୧୧ ଟା ସମୟରେ ଯୁବରାଜପୁର ଗ୍ରାମର ଝରିଆ ବାରିକ ଲୁଣିବାହଲକୁ କିଛି ଜିନିଷ ବିକ୍ରି କରିବାକୁ ଆସିଥିଲେ । ସେହି ସମୟରେ ଯୁବରାଜପୁର ଗ୍ରାମର ତାଙ୍କ ସମ୍ପର୍କୀୟ ଭାଇ ସୁବାସ ବାରିକ ଏବଂ ପୁତୁରା ଅସିତ ବାରିକ କୌଣସି କାରଣରୁ ଝରିଆଙ୍କ ସହ ବଚସା ହୋଇଥିଲା । ଏହି ସମୟରେ ଝରିଆଙ୍କୁ ସୁବାସ ଓ ଅସିତ ଏକ କଇଁଚି ଏବଂ କାଠ ଫାଳିଆରେ ଆକ୍ରମଣ କରି ଚାଲିଯାଇଥିଲେ । ସ୍ଥାନୀୟ ଲୋକେ ପୋଲିସ ୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ଝରିଆକୁ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଡାକ୍ତର ଝରିଆଙ୍କୁ ମୃତ ଘୋଷଣା କରିଥିଲେ । ପୁରୁଣାକଟକ ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ବୌଦ୍ଧ ପଠାଇଛି । ପୁରୁଣାକଟକ ପୋଲିସ ଦୁଇ ଅଭିଯୁକ୍ତକୁ ସରସରାଠାରୁ କାବୁ କରିଥିବା ସୂଚନା ମିଳିଛି ।
