ନବରଙ୍ଗପୁର,୨୬/୩- ନବରଙ୍ଗପୁର ପୌରନିର୍ବାଚନରେ ୧୬ ନମ୍ବର ୱାର୍ଡରେ ବିଜେପି ପ୍ରାର୍ଥୀ ଅମିତ ପ୍ରଧାନଙ୍କ ରେକର୍ଡ ବିଜୟ ହୋଇଛି । ଏହି ୧୬ ନମ୍ବର ୱାର୍ଡକୁ ସବୁବେଳେ ପୌର ପାଳିକା ପକ୍ଷରୁ ଅଣଦେଖା କରାଯାଉଥିବା ଅଭିଯୋଗ ହୋଇଆସୁଥିଲା । ବିଜେଡି କାଉନସିଲର ଥିଲେ ମଧ୍ୟ ଏହି ୱାର୍ଡରେ ସଡକ, ନାଳ ବିଜୁଳି ଓ ପାନୀୟଜଳର ଉତ୍କଟ ସମସ୍ୟା ଲାଗିରହିଛି । ଅମିତ ପ୍ରଧାନ ଏହିସବୁ ସମସ୍ୟା ଉପରେ ଗୁରୁତ୍ୱାରୋପ କରି ଏହିସବୁ ସମସ୍ୟାକୁ ମୁଦ୍ଦାକରି ଯୁବ, ବୟସ୍କ ଓ ସବୁବର୍ଗର ଭୋଟରଙ୍କ ନିକଟତର ହୋଇଥିଲେ । ପ୍ରଧାନମନ୍ତ୍ରୀଙ୍କ ବିକାଶମୂଳକ କାର୍ଯ୍ୟର ପ୍ରଚାର କରି ଭୋଟ ମାଗିଥିଲେ । ଲୋକଙ୍କ ଆଶିର୍ବାଦ ସ୍ୱରୂପ ୧୩୫୩ ଖଣ୍ଡ ଭୋଟ ପାଇଥିବା ବେଳେ ବିଜେଡିର ତୁଷାର ସାମଲ ୫୬୩ ଖଣ୍ଡ ଭୋଟ ପାଇଥିଲେ । ଏହି ବିପୁଳ ବିଜୟରେ ସେ ଲୋକଙ୍କ ପାଇଁ ସଦାସର୍ବଦା ଉତ୍ସର୍ଗୀକୃତ ରହିବେ ବୋଲି ପ୍ରକାଶ କରିଛନ୍ତି । ଯଥାଶୀଘ୍ର ସବୁ ସମସ୍ୟାକୁ ପୌରପରିଷଦ ନିକଟରେ ଉପସ୍ଥାପନ କରି ସମସ୍ୟାର ସମାଧାନ ପାଇଁ ଲାଗିବେ ବୋଲି କହିଛନ୍ତି ।
