ଚଣ୍ଡିଖୋଲ : ଯାଜପୁର ଜିଲ୍ଲା ବଡ଼ଚଣା ବ୍ଲକ ଅନ୍ତର୍ଗତ ବୁଢାକେନ୍ଦୁଆ ବଜାରରେ ନକଲି ପେଟ୍ରୋଲ, ଡିଜେଲ, କାରଖାନା ଠାବ କରିଛି ବୈରୀ ପୋଲିସ । ଉକ୍ତ ନକଲି କରବାରର ମାଷ୍ଟରମାଇଣ୍ଡକୁ ଗିରଫ କରି କୋର୍ଟ ଚାଲାଣ କରିଛି ବୈରି ପୋଲିସ । ସୂଚନାନୁଯାୟୀ ବୁଡ଼ାକେନ୍ଦୁଆ ବଜାରରେ ଜୁମର ଖଟୁଆ ନାମକ ବ୍ୟକ୍ତି ପାରିଆ ପଞ୍ଚାୟତ ନାଣ୍ଡୁଆ ଝର ଗ୍ରାମର ବୋଲି ଜଣାପଡିଛି । ଦୀର୍ଘ ଦିନ ଧରି ଅବାଧରେ ବୁଡ଼ାକେନ୍ଦୁଆ ବଜାରରେ ଏହି ନକଲି କଳା ସାମ୍ରାଜ୍ୟ ଚଳାଇ ଆସୁଥିଲା । ବିଶେଷ ସୂତ୍ରରୁ ଯାଜପୁର ଆରକ୍ଷୀ ଅଧିକ୍ଷକଙ୍କ ନିର୍ଦ୍ଦେଶରେ ବୈରି ଥାନା ଅଧିକାରିଣୀ ସଂଘମିତ୍ରା ନାୟକ ଓ ସ୍କ୍ୱାଡର ମିଳିତ ଚଢ଼ାଉରେ ଘଟଣାସ୍ଥଳରୁ ୧୩ଗୋଟି ବ୍ୟାରେଲରେ ୮୦୦ଲିଟରରୁ ଉଦ୍ଧ୍ୱର୍ କିରୋସିନ ତେଲରୁ ପ୍ରସ୍ତୁତି କରାଯାଇ ଥିବା ନକଲି ପେଟ୍ରୋଲ, ଡିଜେଲ କେମିକାଲ ଅନ୍ୟାନ ସାମଗ୍ରୀକୁ ଜବତ କରି ଥାନାକୁ ଆଣି, ଆହୁରି ଅଧିକ ତଥ୍ୟ ସଂଗ୍ରହ କରିବା ପାଇଁ ତଦନ୍ତ ଆରମ୍ଭ କରିଛି ବୈରି ପୋଲିସ । ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି ଦୀର୍ଘ ସମୟଧରି ବ୍ୟକ୍ତି ଜଣକ ନକଲି କାରଖାନା କରି ବେଆଇନ କରବାର ଚଳାଇ ଆସିଥିଲା କିନ୍ତୁ ବୈରି ପୋଲିସ ଜାଣିପାରିନଥିଲା ଯାହାକି ସାଧାରଣରେ ଆଲୋଚନା ହୋଇଛି ।
