ଭୁବନେଶ୍ୱର: ଖବରକାଗଜ ହକରଙ୍କୁ ମିଳିଲା ସ୍ୱତନ୍ତ୍ର କୋଭିଡ୍ ସହାୟତା । ହକରମାନଙ୍କୁ ୬ହଜାର ଟଙ୍କା ଲେଖାଏଁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ପ୍ରଦାନ କରାଗଲା । ଲୋକସଭା ଭବନରେ କାର୍ଯ୍ୟକ୍ରମକୁ ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ମୁଖ୍ୟମନ୍ତ୍ରୀ କହିଛନ୍ତି, ହକରମାନେ ହେଉଛନ୍ତି ସେତୁ । ଖର ବର୍ଷା, ଶୀତ ଏପରିକି କୋଭିଡ୍ ପରିସ୍ଥିତିକୁ ହକରମାନେ ପଛରେ ପକାଇ କାମ କରିଚାଲିଛନ୍ତି । ତେଣୁ ହକରମାନଙ୍କୁ ସ୍ୱତନ୍ତ୍ର କୋଭିଡ୍ ସହାୟତା ଯୋଗାଇ ଦିଆଯାଉଛି ।
ଗତ ନଭେମ୍ବର ୩୦ତାରିଖରେ ରାଜ୍ୟର ସମ୍ବାଦପତ୍ର ହକରମାନଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାମାଜିକ ସୁରକ୍ଷା ଯୋଜନା ଘୋଷଣା କରିଥିଲେ। ଏହି ଘୋଷଣା ମୁତାବକ ଆଜି ହକରମାନଙ୍କୁ କୋଭିଡ ସହାୟତା ପ୍ରଦାନ କରାଗଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ପ୍ଲାଟଫର୍ମରେ ଏହି କାର୍ଯ୍ୟକ୍ରମକୁ ଉଦ୍ଘାଟନ କରିଛନ୍ତି । ଲୋକସେବା ଭବନରେ ପ୍ରାୟ ୧୫୦ ହକର ଉପସ୍ଥିତ ରହିବା ସହିତ ବିଭିନ୍ନ ଜିଲ୍ଲା ମୁଖ୍ୟାଳୟରେ ହକରମାନେ ଉପସ୍ଥିତ ରହି ଭିଡିଓ କନଫରେନ୍ସିଂ ମାଧ୍ୟମରେ ଯୋଡ଼ିହୋଇଛନ୍ତି ।
