ପାଟଣାଗଡ଼,୩୦/୩- ପାଟଣାଗଡ଼ ଉପଖଣ୍ଡ ବେଲପଡା ଥାନା ବାଗଦୋର ପଞ୍ଚାୟତ ସମିତିସଭ୍ୟା ବନୀତା ବିଶ୍ୱାଳଙ୍କ ସ୍ୱାମୀ ଲୋକନାଥ ବିଶ୍ୱାଳଙ୍କୁ ଗୁଳିକରି ହତ୍ୟା ଘଟଣାରେ ସଂପୃକ୍ତ ଥିବା ଦୁଇ ଅଭିଯୁକ୍ତଙ୍କୁ ଗିରଫକରି କୋର୍ଟ ଚାଲାଣ କରାଯାଇଛି । ସମିତି ସଭ୍ୟା ବନୀତା ବିଶ୍ୱାଳଙ୍କ ସ୍ୱାମୀ ଲୋକନାଥ ବିଶ୍ୱାଳଙ୍କୁ ଗୁଳିକରି ହତ୍ୟା ଘଟଣା ନେଇ ତାଙ୍କ ପୁଅ ଅନିଲ କୁମାର ବିଶ୍ୱାଳ ଗତ ୨୮ତାରିଖଦିନ ବେଲପଡା ଥାନାରେ କେଶ୍ ଦାଏର କରିଥିଲେ । ବେଲପଡା ଥାନା ପୋଲିସ କେଶ ନଂ ୫୨ ଆଇପିସି ଧାରା ୩୦୨,୩୪ , ହତ୍ୟା ମାମଲାରେ ଆଜି ବୁଧବାର ଦୁଇ ଅଭିଯୁକ୍ତଙ୍କୁ ଏସଡିଜେଏମ୍ କୋର୍ଟରେ ହାଜର କରିଥିଲେ । ଗିରଫ ଅଭିଯୁକ୍ତମାନେ ହେଲେ ଝୁଲେନବର ଗାଁ ର ସିତାରାମ ବିନ୍ଧାଣି ଓ ପାଟଣାଗଡ଼ ଥାନା ରାମପାଲିର ରବି ଷାଣ୍ଢ । ହତ୍ୟାରେ ବ୍ୟବହାର କରାଯାଇଥିବା ରିଭଲଭର ଜବତ କରାଯାଇଥିବା ଜଣାପଡ଼ିଛି । ଅଭିଯୁକ୍ତ ମାନଙ୍କୁ ବିଚାର ବିଭାଗୀୟ ଜେଲ୍ ହାଜତକୁ ପଠାଇ ଦିଆଯାଇଥିବା ସରକାରୀ ଓକିଲ ଟୁଲୁ ଭୋଇଙ୍କ ଠାରୁ ସୂଚନା ମିଳିଛି ।
