ଫୁଲବାଣୀ ୧୭/୯:କନ୍ଧମାଳ ଜିଲ୍ଲାର ଫୁଲବାଣୀ ଭାରତୀୟ ଜନତା ପାର୍ଟି ତରଫରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ଅବସରରେ ଫୁଲବାଣୀ ଗୋପବନ୍ଧୁ, ଜାତୀୟପିତା ମହାତ୍ମା ଗାନ୍ଧିଜୀ ଓ ଡାକ୍ତର ଆମ୍ବେଦକର ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇ ଏହି ଦିନଟିକୁ ସେବା ଦିବସ ଭବେ ସାରା ଦେଶରେ ପାଳିତ ହେଉଥିବାବେଳେ ଜିଲ୍ଲାସ୍ତରରେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିବସ କୁ ସେବା ଦିବସ ରୂପେ ପାଳନ କରାଯାଇଛି । ଏହା ତିନି ସପ୍ତାହ ଧରି ପାଳିତ କରାଯିବ ବୋଲି ଜିଲ୍ଲା ବିଜେପି ପକ୍ଷରୁ କୁହାଯାଇଛି । ଏହି କାର୍ଯ୍ୟକ୍ରମରେ ନଗର ସଭାପତି ସୁଶାନ୍ତ କୁମାର ମହାନ୍ତିଙ୍କ ସମେତ ସମ୍ପାଦକ ମୁକ୍ତିକାନ୍ତ ମହାନ୍ତି, ଜିଲ୍ଲା ଉପସଭାପତି ରମେଶ ଚନ୍ଦ୍ର ମହାନ୍ତି (ବନ ଭାଇ),ପୂର୍ବତନ ଜିଲ୍ଲା ସଭାପତି ଲିଙ୍ଗରାଜ ଦଳବେହେରା, ଯୁବ ବିଜେପି ସାଧାରଣ ସମ୍ପାଦକ ପ୍ରମୁଖ ଉପସ୍ଥିତ ରହି ପ୍ରଧାନମନ୍ତ୍ରୀ ମୋଦିଙ୍କନୀତି ଆଦର୍ଶ ଓ ଉନ୍ନତ ଚିନ୍ତାଧାରା ଓ ବିକାଶ ମୂଳକ କାର୍ଯ୍ୟକ୍ରମ ଉପରେ ସାମ୍ୟକ ସୂଚନା ପ୍ରଦାନ କରିବା ସହିତ ଆଗାମୀ ଦିନରେ କରାଯିବାକୁ ଥିବା ଯୋଜନା ବିଷୟରେ ଆଲୋଚନା କରିଥିଲେ ।
