ଫୁଲବାଣୀ,୨/୪ :- କନ୍ଧମାଳ ଜିଲ୍ଲା ପୁଲିସ ପକ୍ଷରୁ ପୁଲିସ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ସ୍ଥାନୀୟ ରିଜର୍ଭ ପୁଲିସ୍ ପଡ଼ିଆରେ ଅନୁଷ୍ଠିତ ଏହି ଉତ୍ସବରେ ଆଇଆର ବି ଏନ୍ ଓ ଏପିଆର୍ ଦ୍ୱାରା ପ୍ୟାରେଡ୍ କରାଯାଇଥିଲା । ମୁଖ୍ୟ ଅତିଥି ଭାବେ ଯୋଗଦେଇ ଅତିରିକ୍ତ ଆରକ୍ଷୀ ଅଧିକାରୀ ବିପିନି ବିହାରୀ ବେହେରା ପ୍ୟାରେଡର ଅଭିବାଦନ ଗ୍ରହଣ କରିଥିଲେ । ଅନ୍ୟମାନଙ୍କ ମଧ୍ୟରେ ଅତିରିକ୍ତ ଆରକ୍ଷୀ ଅଧିକାରୀ ସୁରେଶ ଚନ୍ଦ୍ର ଜେନା, ଡେପୁଟି କମାଣ୍ଡାଣ୍ଟ ସନ୍ତୋଷ କୁମାର ଦଣ୍ଡସେନା, ଡେପୁଟି ଏସ୍ପି କେ.ପି.ପଟ୍ଟନାୟକ ଓ ନିର୍ଜନ ପାଢୀ, ଡେପୁଟି ଏସ୍ପି ବିଶ୍ୱମିତ୍ର ହରପାଲ, ଡେପୁଟି ଏସ୍ପି ହୃଷିକେଶ ନାୟକ, ଡେପୁଟି ଏସ୍ ସ୍ନେହାଶିଷ ସାହୁ, ଏସ୍ଡିପିଓ ସଦର ମହେନ୍ଦ୍ରନାଥ ମୁର୍ମୁ, ଇନ୍ସପେକ୍ଟର ସୁଶାନ୍ତ କୁମାର ସେଠୀ, ତ୍ରିପତି ଚୌଧୁରୀ, ସମୀର କୁମାର ରାଉତ ଓ ରିଜର୍ଭ ଆର.ଆଇ ଧର୍ମେନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ନିଜର କାର୍ଯ୍ୟଦକ୍ଷତା, କୌଶଳ ଯୋଗୁଁ ୫ ଜଣଙ୍କୁ ପୁରସ୍କୃତ କରାଯାଇଥିଲା । ସେଥିମଧ୍ୟରୁ ୨୦୨୦- ୨୧ ପାଇଁ ବେଷ୍ଟ ଏସ୍ଆଇ ଜୟନ୍ତ ସେଠୀ, ବେଷ୍ଟ ଆସିଷ୍ଟାଣ୍ଡ ଏସ୍ଇ ନାରାୟଣ ପ୍ରଧାନ, ବେଷ୍ଟ ହାବିଲଦାର ଜୟରାମ ବେହେରା, ବେଷ୍ଟ ଏପିଆର କନେଷ୍ଟବଳ କାର୍ତ୍ତିକ କହଁର, ବେଷ୍ଟ ଓ ଆର୍ କନେଷ୍ଟବଳ ରାମସିଙ୍ଗ ବେହେରା ପୁରସ୍କୃତ ହୋଇଥିଲେ ।
