ଫୁଲବାଣୀ,୬/୩:- ଫୁଲବାଣୀ ପୌର ପରିଷଦ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ପାଇଁ କଂଗ୍ରେସ ତାର ପ୍ରାର୍ଥୀ ତାଲିକା ଘୋଷଣା କରିଛି । ନେତାଜୀ କ୍ଳବ ଫୁଲବାଣୀଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ କଂଗ୍ରେସ ଫୁଲବାଣୀ ପୌର ପରିଷଦ ନିର୍ବାଚନ ପାଇଁ କାଉନ୍ସିଲର ଏବଂ ପୌରାଧ୍ୟକ୍ଷା ପ୍ରାର୍ଥୀଙ୍କ ନାମ ଘୋଷଣା କରିଛି । ଜିଲ୍ଲା ସଭାପତି ଅନାମ ନାୟକଙ୍କ ଅଧ୍ୟକ୍ଷତାରେ ବରିଷ୍ଠ କଂଗ୍ରେସ ନେତା ବିଜୟ କୁମାର ମହାନ୍ତି, ପୂର୍ବତନ ସାଂସଦ ରାଧାକାନ୍ତ ଦିଗାଲ, ପୂର୍ବତନ ବିଧାୟକ ଅଭିମନ୍ୟୁ ବେହେରା, ଆଇନଜୀବୀ ଚନ୍ଦ୍ରଶେଖର ପରିଡ଼ା, ନନ୍ଦ କିଶୋର ଦାଶ, ଆଇନଜୀବୀ ରଜତ ମହାନ୍ତି, ଶ୍ରମିକନେତା ଘନ ଶବର, ଦୁର୍ଯ୍ୟ ପଟ୍ଟନାୟକ, ମିକା ତ୍ରିପାଠୀ, ସଂସାର ଭୋଇ ପ୍ରମୁଖଙ୍କ ଉପସ୍ଥିତିରେ ଘୋଷଣା କରିଥିବା ତାଲିକା ଅନୁସାରେ ପୌରାଧ୍ୟକ୍ଷା ପ୍ରାର୍ଥୀ ପାଇଁ ସବିତା ମହାନ୍ତି ହୋଇଛନ୍ତି । ସେହିପରି ୨ନଂ ୱାର୍ଡରେ ପୁଷ୍ପାଞ୍ଜଳି ଦିଗାଲ, ୩ ରେ କବିତା ପ୍ରଧାନ, ୪ ରେ ଦେବନାଥ କଁହର , ୫ ରେ ଗଣେଶ ଚନ୍ଦ୍ର ପାଲଟା, ୬ରେ ଇନ୍ଦୁମତି ସାହୁ, ୭ ରେ ସୂର୍ଯ୍ୟକାନ୍ତି ବେହେରା , ୮ରେ ବିଷ୍ଣୁ ଦିଗାଲ, ୯ ରେ ଖୁଲନା ମୁଖି, ୧୦ରେ ଦିବ୍ୟ କିଶୋର ଦାଶ, ୧୧ ରେ ମାମି ନାୟକ, ୧୨ ରେ ପ୍ରଭାତୀ ପ୍ରଧାନ ଓ ୧୩ ରେ ସୈନି ମାଝୀ କାଉନ୍ସିଲ୍ ପ୍ରାର୍ଥୀ ହୋଇଛନ୍ତି । ପୌର ପରିଷଦ ନିର୍ବାଚନରେ ପ୍ରାର୍ଥିପତ୍ର ଦାଖଲ ପ୍ରକ୍ରିୟା ୭ରେ ଶେଷ ହେବ । ଆଉ ମାତ୍ର ଗୋଟିଏ ଦିନ ବାକିଥିବାବେଳେ ପ୍ରମୁଖ ଦଳ ମଧ୍ୟରୁ ବିଜେଡି ଓ କଂଗ୍ରେସର ତାଲିକା ଘୋଷଣା ହୋଇଯାଇଥିବା ବେଳେ ଏବଂ ଭାଜପା ପକ୍ଷରୁ କିଏ ପ୍ରାର୍ଥୀ ହେବ ତାହାକୁ ନେଇ ବହୁ କଳ୍ପନା ଜଳ୍ପନା ଲାଗି ରହିଛି । ରବିବାର ଯାଏଁ ବିଜେପି କାହାକୁ ପ୍ରାର୍ଥୀ କରିବେ ଚିନ୍ତାରେ ପଡିଛନ୍ତି ।
