ବୌଦ୍ଧ : ବୌଦ୍ଧ ଜିଲ୍ଲା ସରସରା ସେବା ସମବାୟ ସମିତିର ନବ ନିର୍ବାଚିତ ସଭାପତି ଶ୍ରୀମତୀ ଗୀତାଞ୍ଜଳୀ ପ୍ରଧାନ ଆଜି ସଭାପତି ଭାବେ ଦାୟିତ୍ୱ ଗ୍ରହଣ କରିଛନ୍ତି । ଆଜି ଦିନ ୧୧ ଘଣ୍ଟା ସମୟରେ ଶ୍ରୀମତୀ ପ୍ରଧାନ ସମିତି କାର୍ଯ୍ୟାଳୟକୁ ଆସି ଦାୟିତ୍ୱ ଗ୍ରହଣ କରିଥିଲେ । ସମ୍ପାଦକ ପ୍ରିୟ ପ୍ରକାଶ ପ୍ରଧାନ ପ୍ରଥମେ ପୁଷ୍ପଗୁଚ୍ଛ ଦେଇ ତାଙ୍କୁ ସ୍ୱାଗତ କରିଥିଲେ ଓ ସଭାପତିଙ୍କ ପାଇଁ ଉଦ୍ଦିଷ୍ଟ ଆସନ ନିକଟକୁ ପାଛୋଟି ନେଇଥିଲେ । ଶ୍ରୀମତୀ ପ୍ରଧାନ ଦାୟିତ୍ୱ ଗ୍ରହଣ କରିବା ସମୟରେ ନିର୍ବାଚିତ ପରିଚାଳନା କମିଟିର ସଦସ୍ୟ ମୁକେଶ ପ୍ରଧାନ, ଅଖଣ୍ଡ ପ୍ରଧାନ, ଅରୁଣ ପ୍ରଧାନ, ରଂଜିତ ବେହେରା, ନବୀନ ଦେହୁରୀ ଓ ସମିତିର କର୍ମଚାରୀ ମାନେ ଉପସ୍ଥିତ ଥିଲେ । ଶ୍ରୀମତୀ ପ୍ରଧାନ ସରସରା ଗ୍ରାମ ପଞ୍ଚାୟତର ପୂର୍ବତନ ସରପଞ୍ଚ ଓ ସମିତିର ପୂର୍ବତନ ସଭାପତି ଭାବେ ମଧ୍ୟ କାର୍ଯ୍ୟ କରି ଆସିଛନ୍ତି ।
