ସୁବର୍ଣ୍ଣପୁର,୧୭/୧୦- ସୁବର୍ଣ୍ଣପୁର ସଦର ମହକୁମା ପୋଲିସ ଜଣେ ମୋଟର ଚୋରକୁ ଧରିବାରେ ସଫଳ ହୋଇଛି । ଗତ କିଛିଦିନ ହେଲା ସୋନପୁର ସହର ସମେତ ପାଖଆଖ ଗାଁରୁ କ୍ରମାଗତ ଭାବରେ ଲୋକଙ୍କ ଘରୁ ପାଣି ମୋଟର ଚୋରି ହୋଇଥିବା ଅଭିଯୋଗ କରି ବିଭିନ୍ନ ଲୋକ ସୋନପୁର ଥାନାରେ ଏତାଲା କରିଥିଲେ । ଏପରିକି ସହରର ଅତିରିକ୍ତ ତହସିଲଦାର ଘରେ ଅନୁପସ୍ଥିତ ଥିବାବେଳେ ତାଙ୍କ ଘରୁ ମଧ୍ୟ ମୋଟର ଚୋରି ହୋଇଯାଇଥିଲା । ଅତିରିକ୍ତ ତହସିଲଦାର ଥାନାରେ ଅଭିଯୋଗ କଲାପରେ ପୋଲିସ ଏକସନ ମୋଡରେ ଆସି ଛାନଭିନ ଜାରିରଖି ପରେ ପରେ ସହରର କଳିଙ୍ଗ ନଗରର ୨୧ ବର୍ଷୀୟ ରାମ ଘଡିଆ ନାମକ ଜଣେ ଯୁବକକୁ ସନ୍ଦେହକରି ପଚରା ଉଚୁରା କଲାପରେ ରାମ ପାଖରୁ ୧୧ଗୋଟି ମୋଟର ପମ୍ପ ଜବତ କରିବାପରେ ପୋଲିସ ରାମକୁ ଗିରଫ କରିବା ସହିତ ସଦର ଥାନାରେ ଏକ ସାମ୍ବାଦିକ ସମ୍ମିଳନୀ କରି ଚୋରି ଘଟଣା ବାବଦରେ ଗଣମାଧ୍ୟମ ପ୍ରତିନିଧିଙ୍କୁ ସୂଚନା ଦେଇଛନ୍ତି । ଏସଡିପିଓ ପୁଷ୍ପାଞ୍ଜଳି ନିଙ୍ଗି ଏହି ସାମ୍ବାଦିକ ସମ୍ମିଳନୀରେ ସଦର ଆଇଆଇସି ପୁଷ୍ପେନ୍ଦୁ ସାଗର ମଧ୍ୟ ଉପସ୍ଥିତ ଥିଲେ ।
