ସୁବର୍ଣ୍ଣପୁର : ଆଜି ସୁବର୍ଣ୍ଣପୁର ଜିଲ୍ଲାର ପାତାଳୀ ଶ୍ରୀକ୍ଷେତ୍ର କୋଟସମଲାଇ ଚତୁର୍ଦ୍ଧାମୂର୍ତ୍ତିଙ୍କ ସମ୍ମୁଖରେ କୋଭିଡ କଟକଣା ସହିତ ସମର୍ପଣ ହୋଇଛି ୨୦୨୨-୨୩ର ଭାଗ୍ୟଜ୍ୟୋତି ପରମେଶ୍ୱରୀ ପଞ୍ଜିକା । ଏହି ପଞ୍ଜିକାରେ ସାରା ଓଡ଼ିଶାର ପର୍ବ ପର୍ବାଣୀର ତିଥି ଓ ନୂତନ ସର୍ବୋତ୍ତମ ତଥ୍ୟ ପ୍ରଦାନ କରାଯାଇଅଛି । ଏହି ପଞ୍ଜିକା ଦୀର୍ଘ ୨୦୦୮ରୁ ପ୍ରତି ବର୍ଷ ପ୍ରକାଶିତ ହୋଇ ଆସୁଛି । ଆଜି ଏହି ପଞ୍ଜିକା ସମର୍ପଣର ବ୍ରହ୍ମ ମୁହୁର୍ତ୍ତରେ ଏ ପଞ୍ଜିକାର ଗଣକ ଜୋତିରବିଦ୍ୟା ବାଚସ୍ପତି ମେଡେନ କୁମାର ବିଶି, ବିଶିଷ୍ଟ ଜୋତିର୍ବିଦ ଗୁଣ ସାଗର ପଣ୍ଡା , କୌଶଳ ବ୍ରହ୍ମା ଗୌର ଚରଣ ନନ୍ଦ, ପାତାଳୀ ଶ୍ରୀକ୍ଷେତ୍ର ଟ୍ରଷ୍ଟର ପରିଚାଳକ ପୂର୍ଣ୍ଣଚନ୍ଦ୍ର ପାଢ଼ୀ, ପଣ୍ଡିତ ମନୋରଞ୍ଜନ ପାଢ଼ୀ, ସୁଦୂର କଟକରୁ ଆସିଥିବା ଭାଗ୍ୟଜ୍ୟୋତି ପ୍ରକାଶନର ପ୍ରକାଶକ ରଞ୍ଜନ କୁମାର ସେନାପତି, ସହଯୋଗୀ ଶ୍ରୀ ଗୁରୁ ପ୍ରସାଦ ରଥ , କର୍ମକାଣ୍ଡ ପଣ୍ଡିତ ବିବେକା ନନ୍ଦ ପଣ୍ଡା, ଚିତ୍ତ ରଞ୍ଜନ ପାଢ଼ୀ ତଥା ଅନେକ ବୁଦ୍ଧିଜୀବୀ, ସେବାୟତ ପ୍ରମୁଖ ଉପସ୍ଥିତ ଥିଲେ ।
