ପାଟଣାଗଡ : ପାଟଣାଗଡ଼ ବ୍ଲକ ସାଲେପାଲି ଗ୍ରା:ପ: ଅନ୍ତର୍ଗତ ତୁର୍ଲାମାଲ ଗ୍ରାମରେ ପଞ୍ଚ କୁଣ୍ଡିୟ ବିଶ୍ୱଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି । ପ୍ରଥମେ କୀର୍ତ୍ତନ ତାଳ ଖୋଲ ଓ ଭଜନର ସ୍ୱରରେ ହରିପୁର ଗୁରୁକୂଳ ଆଶ୍ରମ ର ପରିଚାଳକ ଆଚାର୍ଯ୍ୟ ଗୁରୁଦେବ ସୁଦର୍ଶନ ଦେବ ଙ୍କୁ ପ୍ରତ୍ୟେକ ଘରେ କଳସ ସ୍ଥାପନ କରି ସ୍ୱାଗତ ସମ୍ବର୍ଦ୍ଧନା କରାଗଲା । ପରେ ଆଚାର୍ଯ୍ୟଙ୍କ ପ୍ରତ୍ୟେକ ତତ୍ତ୍ୱାବଧାନ ତଥା ବେଦ ପାଠରେ ପଞ୍ଚ କୁଣ୍ଡିୟ ହୋମ କୁଣ୍ଡରେ କୋଡ଼ିଏ ଜଣ ଯଜ୍ଞକର୍ତ୍ତାଙ୍କ ଉପସ୍ଥିତରେ ଘୃତ ଆହୁତି କରାଯାଇଥିଲା । ଏହି ଯଜ୍ଞର ମୁଖ୍ୟ ଆୟୋଜକ ଧୁବଲେଶ୍ୱର ଭୋଇ ଓ ବିଷ୍ଣୁ ଥପା, ସୁରେଶ ପୁଟେଲଙ୍କ ସହଯୋଗରେ ତଥା ଗ୍ରାମବାସୀଙ୍କ ମିଳିତ ସହଯୋଗରେ ଯଜ୍ଞ କାର୍ଯ୍ୟ ସମ୍ପାଦନ ହୋଇଥିଲା । ଏହି ପୂଣ୍ୟ କାର୍ଯ୍ୟକ୍ରମ କୁ ଗ୍ରାମବାସୀ ତଥା ପଡୋଶୀ ଗ୍ରାମର ଜନସାଧାରଣ ସବୁ ପ୍ରକାର ସହଯୋଗ କରିଥିଲେ । ଅନେକ ସାଧୁ ସନ୍ଥ ଯୋଗଦେଇ ଥିବାବେଳେ ଶତାଧିକ ଭକ୍ତ ଯୋଗଦେଇଥିଲେ । ଅନ୍ନ ଭୋଗର ବ୍ୟବସ୍ଥା କରାଯାଇଥିଲା ।
