ଘୁ.ଉଦୟଗିରି : କନ୍ଧମାଳ ଜିଲ୍ଲା ଅଧିନସ୍ଥ ଘୁ.ଉଦୟଗିରି ବ୍ଲକ ନନ୍ଦଗିରି ନିକଟ ମାଲଙ୍ଗସୁଗା ଛକବୁଲାଣିରେ ଗତକାଲି ସନ୍ଧ୍ୟା ସମୟରେ ଏକ ବାଇକ ଦୁର୍ଘଟଣା ଘଟିଛି । କଳିଙ୍ଗାଠାରୁ ଘୁ.ଉଦୟଗିରି ଅଭିମୁଖେ କିରାବାଡ଼ି ଗ୍ରାମର ବାନାମ୍ବର ପ୍ରଧାନ ଓଡି-୧୨ସି-୮୦୮୦ ବୁଲେଟ ବାଇକ ଦ୍ୱାରା ଆସୁଥିଲେ । ଏହି ସମୟରେ ନନ୍ଦଗିରି ଗ୍ରାମର ବାଦଲ ଡିଗାଲ ଓ ସାଥି ରାସ୍ତା କଡରେ ଚାଲିଚାଲି ଘରକୁ ଯାଉଥିଲେ । ଠିକ ସେହି ସମୟରେ ହଠାତ ପଛପଟୁ ବୁଲେଟ ବାଦଲକୁ ଧକ୍କା ଦେଇଥିଲା । ଯାହାଫଳରେ ଉଭୟ ଆରୋହୀ ଓ ଚାଳକ ସେଠାରେ ହିଁ ଗୁରୁତର ଅବସ୍ଥାରେ ପଡ଼ିରହିଥିଲେ ।
ଖବର ପାଇ ସ୍ଥାନୀୟ ଲୋକଙ୍କ ସହାୟତାରେ ଦୁଇ ଜଣଙ୍କୁ ୧୦୮ ଆମ୍ବୁଲାନ୍ସ ଯୋଗେ ପ୍ରାଥମିକ ଚିକିତ୍ସା ନିମନ୍ତେ ଘୁ.ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା । ବୁଲେଟ ଆରୋହୀ ଗୁରୁତର ଆହତ ହୋଇଥିବାରୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଥିବା ସୂଚନା ରହିଛି ।
