ବୌଦ୍ଧ :ପ୍ରବଳ ବର୍ଷା ଯୋଗୁଁ ଗତ ରାତିରେ ବୌଦ୍ଧ ଏନଏସି ଅନ୍ତର୍ଗତ ବାପୁଜୀ ନଗର ୱାର୍ଡ ନମ୍ବର୍ ୧୦ ର ମାଘି ନାଏକଙ୍କ ଘର କାନ୍ଥ ଭୁଶୁଡି ପଡିବାରୁ ଘର ମଧ୍ୟରେ ଥିବା ପରିବାର ଲୋକ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ବାଉଁଶ କାରିଗର ମାଘି ନାଏକଙ୍କ ମାଟି ଜୋଡାଇ ଇଟା କାନ୍ଥର ଆଜବେଷ୍ଟସ ଛାତ ଘରଟି ଗତ କାଲି ରାତିର ଲଗାଣ ବର୍ଷାରେ ଭାଙ୍ଗି ଯାଇଛି । ଲକ୍ ଡାଉନ୍ ଯୋଗୁଁ ଜୀବିକା ହରାଇ ଘରେ ବସି ରହିଥିବା ମାଘି ନାଏକଙ୍କୁ ସରକାରୀ ସହାୟତା ତୁରନ୍ତ ଯୋଗାଇ ଦେବାକୁ ସାହି ବାସିନ୍ଦା ଦାବି କରିଛନ୍ତି ।
